Вольга Уладзіміраўна Гайко
Паштовая марка Беларусі. Справа артысты балета Вольга Гайко і Ігар Артамонаў у балеце «Лебядзінае возера»
Дата нараджэння	4 сакавіка 1980(1980-03-04) (44 гады)
Месца нараджэння	Мінск, БССР, СССР
Грамадзянства	СССР  Беларусь
Адукацыя	Беларуская дзяржаўная харэаграфічная гімназія-каледж
Прафесія	балерына, тэатральная актрыса
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды
Медыяфайлы на Вікісховішчы

Вольга Уладзіміраўна Гайко (4 сакавіка 1980 Мінск) — беларуская актрыса балета. Народная артыстка Беларусі (2012). Лаўрэат балетнай прэміі «Філіп Морыс Дэбют» (2002). Лаўрэат прэміі Беларускага прафсаюза работнікаў культуры ў намінацыі «Тэатральнае мастацтва» (2012).

Скончыла Беларускі дзяржаўны харэаграфічны каледж. У 1997 годзе прынята ў Нацыянальны акадэмічны Вялікі тэатр оперы і балета.

У рэпертуары: «Дон Кіхот» (Кітры), «Лебядзінае возера» (Адэта — Адылія), «Спячая прыгажуня» (Аўрора і Фея бэзу), «Жызэль» (Жызэль), «Эсмеральда» (Эсмеральда), «Карсар» (Медоры), «Ціль Уленшпігель» (Неле), «Страсці» (Рагнеда), «Кармэн-сюіта» (Кармэн), «Жар-птушка» (Жар-птушка), «Вясна свяшчэнная» (Дзева-выбранніца), «Карміна Бурана» (Каханая і Блудніца), «Марная засцярога» (Ліза), «Макбет» (Лэдзі Макбет), «Спартак» (Фрыгія), «Баядэрка» (Нікія), «Шчаўкунок» (Маша), «Рамэа і Джульета» (Джульета), «Каханне пад вязамі» (Абі), «Бахчысарайскі фантан» (Зарэма), «Трыстан і Ізольда» (Ізольда), «Папялушка» (Фея), «Сільфіда» (Сільфіда), «Тамар» (Тамар), «Шахеразада» (Забеіда), «Пахіта^[ru]» (Пахіта), «Беласнежка і сем гномаў» (Мачаха), «Серанада» (Цёмны анёл).

• Вольга Гайко на сайце Нацыянальнага тэатра оперы і балета Архівавана 21 чэрвеня 2012.
• Вольга Гайко // Сайт Нацыянальнага акадэмічнага Вялікага тэатра оперы і балеты Рэспублікі Беларусь
• Лаўрэаты Прэмiі Беларускага прафсаюза работнiкаў культуры ў сферы культуры і мастацтва 2012 года Архівавана 10 жніўня 2023. // Газета «Культура», № 41 (1063) 13.10.2012 — 20.10.2012.