Аперацыя «Сталёвы заслон»

Аперацыя «Сталёвы заслон»
Асноўны канфлікт: Іракская вайна
Марскія пяхотнікі ЗША на сваіх пазіцыяй, Аль-Карабіла, 11 лістапада 2005.
Дата 5—20 лістапада 2005
Месца паўночны захад Ірака
Вынік перамога ЗША і перахоп замежнага канала дапамогі паўстанцаў
Праціўнікі
 ЗША
 Ірак 		Іракскія паўстанцы:
Камандуючыя
Злучаныя Штаты Амерыкі Томі Фрэнкс Абу Мусаб аз-Заркаві
Сілы бакоў
3500 чалавек 3000 чалавек
Страты
10 забітых і 40 параненых амерыканцаў, невядомая колькасць іракскіх вайскоўцаў забіты[1][2][3][4] 139 забітых і 256 палонных[2][3][4]
Лагатып Вікісховішча Медыяфайлы на Вікісховішчы

Аперацыя «Сталёвы заслон» (англ.: Operation Steel Curtain) — ваенная аперацыя, праведзеная войскамі міжнароднай кааліцыі ў пачатку лістапада 2005 на паўночным захадзе Ірака на мяжы з Сірыяй, каб прыпыніць пранікненне праз ірака-сірыйскую мяжу замежных добраахвотнікаў, якія далучаліся да сіл антыамерыканскіх фарміраванняў. У дадзенай аперацыі ўпершыню прымала актыўны ўдзел новая іракская армія, створаная пасля замежнага ўварвання ў 2003 годзе. Аперацыя праводзілася ў рамках масіраванай ваеннай акцыі — аперацыі «Паляўнічы» (англ.: Operation Hunter).

Баявыя дзеянні пачаліся 5 лістапада, калі байцы Корпуса марской пяхоты ЗША арганізавалі штурм Хусаібе, які ўтрымлівалі паўстанцы. Горад быў ачышчаны ад іх у наступныя 4 дні. Затым, 10 лістапада, пачалася атака на Аль-Карабіла на прадмет пошуку паўстанцаў, якія ўцяклі з Хусаібе. Пасля чатырохдзённых баёў, калі Аль-Карабіла быў цалкам вызвалены, наступіла наступная фаза аперацыі — у Абейдзі, горадзе, які стаў перавалачнай базай для сотняў паўстанцаў з Сірыі. Тут у маі 2005 года ужо праходзіла аперацыя «Матадор» (англ.: Operation Matador). За мінулыя месяцы партызаны вярнулі сабе кантроль над горадам і выдатна ўмацавалі яго ў чаканні нападаў кааліцыйных сіл. Пасля сямідзённай аблогі і пяці авіяўдараў ВПС ЗША, войскі кааліцыі ўступілі і замацаваліся ў горадзе, чым аперацыя і завяршылася.

Амерыканскія афіцыйныя асобы паведамілі, што падчас аперацыі было забіта 139 баевікоў і яшчэ 256 было ўзята ў палон. Па іх словах, аперацыю «Сталёвы заслон» можна лічыць паспяховай. Прынамсі, загінула 10 марскіх пехацінцаў і невядомая колькасць іракскіх салдат. У Хусаібе на пастаяннай аснове размешчаны амерыканскія марскія пяхотнікі і падраздзяленне іракскіх урадавых узброеных сіл. Камандаванне арміі ЗША не мела намеру губляць кантроль над горадам, які да гэтай аперацыі быў буйным перавалачным пунктам для замежных баевікоў.

Зноскі

  1. ↑ Period Details Архівавана 17 кастрычніка 2006.
  2. ↑ а б The Geography of War(недаступная спасылка). Newsweek (6 лістапада 2025). Архівавана з першакрыніцы 27 лістапада 2006. Праверана 24 July 2007.
  3. ↑ а б Ricks, Thomas E. (9/11, 2006). "Situation Called Dire in West Iraq". Washington Post. Праверана 24 July 2007. {{cite news}}: Праверце значэнне даты ў: |date= (даведка)
  4. ↑ а б John Pike. Release A051122d - Operation Steel Curtain concludes. globalsecurity (2000). Праверана 24 July 2007.

Спасылкі