Аляксандр Алелькавіч
А. Алелькавіч. Невядомы мастак, XVII ст.
Герб «Пагоня Літоўская»
Смерць	26 чэрвеня 1591(1591-06-26)[1] Кракаў, Рэч Паспалітая[1]
Месца пахавання	Манастырскія могілкі ў Слуцку[d]
Род	Алелькавічы[1]
Бацька	Юрый Юр’евіч Слуцкі[d][1]
Маці	Кацярына з Тэнчынскіх[2]
Веравызнанне	праваслаўе і каталіцтва[1]

Аляксандр Алелькавіч (? — 26 чэрвеня 1591) — грамадскі дзеяч Вялікага Княства Літоўскага.

Прадстаўнік княжацкага роду Алелькавічаў, сын Юрыя і Кацярыны з Тэнчынскіх. Меў братоў Юрыя і Яна Сямёна, разам з якімі падарожнічаў па еўрапейскіх універсітэтах^[3]. Наведаў Інгальштат, дзе перайшоў у каталіцтва, а таксама Страсбург, Базель, Італію.

У 1582 пры падзеле спадчыны з братамі атрымаў Востраў у Слуцку, маёнткі на Случчыне, Петрыкаўскую воласць у Мазырскім павеце, Ваўкалату ў Ашмянскім павеце, Сямёнавічы ў Менскім павеце.

Памёр у Кракаве, пахавалі князя ў Слуцку^[4].

• Пазднякоў В. Алелькавічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 219. — 688 с. — ISBN 985-11-0314-4 (т. 1), ISBN 985-11-0315-2.