Альштынскае ваяводства
Краіна	Польская Народная Рэспубліка
Адміністрацыйны цэнтр	Ольштын
Дата ўтварэння	1946
Дата скасавання	1975

Альштынскае ваяводства (польск.: Województwo olsztyńskie) — адно з ваяводстваў, якія існавалі ў Польшчы ў 1946—1975 гадах. Сядзібай ваяводскіх улад быў горад Ольштын.

Утворана пастановай Савета міністраў Польшчы ад 29 мая 1946 года з тэрыторыі былой Мазурскай акругі. 7 ліпеня 1946 года надвіслянскія паветы былі перададзены ў Гданьскае ваяводства, а Элцкі, Алецкі і Галдапскі паветы — у склад Беластоцкага ваяводства.

Паводле звестак 1950 года, больш за 25 % этнічных палякаў, пераселеных у ваяводства пасля Другой сусветнай вайны, паходзілі з усходніх ваяводстваў міжваеннай Польскай Рэспублікі (з так званых крэсаў).