Gibraltar is a britischs Ibaseegebiet on da Sidspitzn vo da Iberischn Hoibinsl. De Souveränität vom Vaoanigtn Kinireich is vo Spanien nia onakonnt worn.
Gibraltar liegt an da Noadseitn vo de Meeaenge Stross vo Gibraltar, do wo Eiropa und Afrika am dichtestn zamma lieng. As Territorium umfosst nur a Landfläch vo 6,5 km2. De Grenz zwischn Gibraltar und Spanien is nur 1,2 Kilometa long.
Gschicht
Gibraltar guit ois s Rickzugsgebiet vo de Neandatoia in Eiropa. Gsichate Spurn gibt's bis ebba vor 28.000 Joar.
Im Oitatum hod Gibraltar ois ana vo de Sain vom Herakles goitn. Obwois koane remischn Spurn gibt, woarn de Rema wohrscheinli do, wei Gibraltar an lateinischn Nam ghobt hod „Mons Calpe“. Auf de Rema san de Westgotn gfoigt.
711 is Gibraltar durch de muslimischn Araba und Berba eihgnumma worn. Da Nam Gibraltar kimmt aa aus'm Arabischn vo Dschebel Tarik „Beag vom Tarik“, dea wo a maurischa Fejdherr woar.
.svg)
.svg){kind=small}