Deing (amtli: Teugn) is a Gmeindn im nidabayerischn Landkroas Köiheim und Mitglied in da Verwajtungsgmeinschaft Saaj an der Donau.
Gschicht
Nouchweisle zeascht bsiedlt hom dern Ort d'Köitn. Im Joar 1002 houd da Kine Heinrich II. sein Grundbsitz in Deing da Bischofskirch vo Brixn geschenkt, daj wou bis 1803 Grundherr bliem is. Deing houd speider zum Rentamt Straubing und zum Landgricht Köiheim vom Kurfiaschtndum Bayern ghert. 1818 is de heidige Gmeindn entstanna.
Am 19. Aprü 1809 houd af den Heicha südlich vum Ort im 5. Koalitionskrieg vom Napoleon d'Schlacht bei Deing-Hausn zwischn österreichische und franzesische Truppn stattgfunna.
Eihwohnaentwicklung
Af dem Gebiet vo da Gmeindn han 1970 1066, 1987 dann 1220 und im Joar 2000 1451 Eihwohna zöüd worn. Ende 2007 houd de Eihwohnazaj zum easchtn Moi de 1600er-Markn íwaschrien (ibaschritten). 2014 sans 1661 und 2015 1689 Eihwohna.
