En 1993 llicencióse en Drechu pola Universidá de Valladolid y tien un cursu en Direición Política. Dende 1995 exerz como abogáu. Ta casáu y tien dos fíes.[2]
Militante nel partíu dende 1990, empecipió la so carrera política nel PSOE de Valladolid en 2004 como Vicesecretariu Xeneral de la Executiva Provincial.[2] Nes eleiciones municipales de 2007 en Valladolid figuró como númberu dos de la candidatura, encabezada por Soraya Rodríguez, na que Javier León de la Riva volvió consiguir mayoría absoluta, llogrando'l PSOE municipal trece conceyales y más de setenta mil votos.
En 2008 fízose cargu del Grupu Municipal Socialista tres la marcha de Soraya Rodríguez a la Secretaría d'Estáu de Cooperación Internacional.[3][4] En 2009 foi escoyíu secretariu xeneral de l'agrupación socialista llocal y en 2010, les executives municipal y provincial sofitáron-y como candidatu a l'alcaldía de Valladolid.
Óscar Puente foi nomáu candidatu a l'alcaldía de cara a les eleiciones municipales de mayu de 2011, por decisión unánime de les Executives Provincial y Municipal en setiembre de 2010, y refrendáu nel Comité Autonómicu presidíu pol candidatu a la Presidencia de la Xunta, Óscar López Águeda, pocos díes dempués.[5] Sicasí, los comicios nun-y foron favorable llogrando les peores resultancies de la hestoria del PSOE de Valladolid tanto en númberu de votos —45 525 votos, un 27 % del total, daqué más de la metá que'l PP, y venticinco mil menos que nes eleiciones anteriores— como en númberu de conceyales representaos, al pasar de trece a nueve.[6]
Alcalde de Valladolid
Óscar Puente y Manuel Saravia mientres un alcuentru con Manuela Carmena y José Manuel Calvo en 2018.
Les eleiciones municipales de 2015 dieron al PSOE38 59138 591 votos, llogrando'l menor númberu de votos de la so historia en Valladolid, y baxando de nueve a ocho conceyales. Sicasí, la gran perda de votos del PP, que perdió la mayoría absoluta al pasar de diecisiete a dolce conceyales, animó a Óscar Puente a falar con toles formaciones. Ciudadanos refugó sofitar la so investidura dende'l primer momentu, polo qu'empecipió conversaciones colos restantes grupos municipales. Valladolid Toma la Pallabra (VTLP, coalición qu'inclúi a IX, Equo y persones individuales) y Podemos aportaron, de forma que los primeros s'integraron nel Gobiernu municipal, y los segundos sofitaron la investidura. D'esta forma, miembros de VTLP ocupen trés conceyalíes (Urbanismu, Mediu Ambiente y Participación), siendo Manuel Saravia teniente d'alcalde.[7]
Les eleiciones municipales de 2019 dieron 59 98159 981 votos al PSOE, 21 39021 390 más qu'en 2015, y un total d'once conceyales. Les resultancies diéron-y la victoria al PSOE en Valladolid. Óscar Puente llograría formar el so segundu Gobiernu municipal de tres el sofitu de los trés conceyales de VTLP, la marca d'IX en Valladolid.[8][9][10]
Posiciones polítiques y perfil
Activu pedrista, voceru de la candidatura de Pedro Sánchez a la secretaría xeneral del PSOE en 2017,[11] declaró que'l partíu tenía que mirar hacia la izquierda, afirmando que'l PSOE taba entós «col culu en pómpara hacia la drecha».[12] Tres la salida del PSOE de Soraya Rodríguez en marzu de 2019, Puente sentenció que «nun la vamos a echar de menos», añadiendo que «los socialistes de verdá, namái nel PSOE, nunca fuera del PSOE».[13]
Puente nun se carauteriza pola contención nes sos declaraciones.[11][14] N'agostu de 2017 sostuvo que la crisis en Venezuela «ye responsabilidá coleutiva de los venezolanos» y qu'«una sociedá nun llega a esta situación solo por un Gobiernu».[15] El 19 de xunu de 2018, mientres la celebración d'un plenu nel que s'aldericaba l'estáu de la ciudá, Óscar Puente cuestionó la capacidá de xestión de la vocera de Ciudadanos nel Conceyu de Valladolid, Pilar Vicente, faciendo referencia al so currículu: «Vusté trabayó nuna tienda en Vallsur».[16][17][n. 1] En xineru de 2019 declaró na Cadena SER que la comunidá de «Castiella y Llión tendría d'apostar más por Valladolid» faciendo de la ciudá «un polu con muncho potencial nel que se debería apostar pol so allugamientu y la so industria».[n. 2]
Óscar Puente se posiciona en contra d'una autonomía pa Llión, Zamora y Salamanca. En setiembre de 2019 alvirtió al alcalde socialista de Llión, José Antonio Díez, de que'l PSOE nacional nun va sofitar la «Rexón Llionesa» y declaró qu'hai malestar na Executiva del PSOE poles pallabres de José Antonio Díez.[20]
.svg){kind=small}
