José Antonio Díez Díaz, (1 de setiembre de 1968, Lleón) ye un xeólogu y políticu socialista español. Alcalde de Llión dende'l 5 de xunetu de 2019.[1]
Biografía
Llicenciáu en Ciencies Xeolóxiques pola Universidá d'Uviéu. Darréu realizó un máster en Maestría n'Alministración d'Empreses pol Institutu d'Empresa.[2]
Carrera política
Foi conceyal del Conceyu de Llión dende 2007,[3] siendo responsable de Seguridá y Movilidá, y voceru del Grupu Socialista dende xunetu de 2012, dempués de que Paco Fernández abandonara la política activa. Tamién ye secretariu xeneral de l'agrupación llocal del PSOE de Llión, la más numberosa n'afiliación en Castiella y Llión.[4]
En payares de 2019, reivindicó la creación d'una comunidá autónoma pa Llión, Zamora y Salamanca, una de les mayores demandes del llionesismu que representa la Unión del Pueblo Leonés (UPL). Esto nun prestó al alcalde socialista de Valladolid, Óscar Puente, y alvirtió a José Antonio de que'l PSOE nacional nun va sofitar la creación d'una "Rexón Llionesa".[5] José Antonio, nel Día de la Constitución Española, declaró que los llioneses son llioneses y non castellanos, y declaró que la Constitución permite crear l'autonomía llionesa.[6][7] El PP de Valladolid intentó reprobar a José Antonio Díez, pero nun salió alantre la so moción polos votos en contra del PSOE, VTP y VOX.[8]
Anguaño mora nel barriu de La Chantría. Ta casáu y tien dos fíos.[2]
Referencies
Enllaces esternos
.svg){kind=small}
