Brunéi ye una pequeña nación asitiada al norte de la islla de Borneo. Asítiase ente Malasia y el mar de la China Meridional, ocupando dos territorios separaos unu al este y otru al oeste de la badea de Brunéi. La estensión averada del territoriu ye de 5.770 km²
Orografía
Imaxe vía satélite de Brunéi.
El so relieve nun ye bien relevante. El picu más altu del país, el monte Bukit Pagon de 1.850 m, ta asitiáu al este nel estremu sur del distritu de temburong. Forma parte de los montes Irán.
Na parte oeste del país, la más estensa, ye inda menos montascosa, nun destacar más qu'unes cuantos montes sobremanera na frontera con Malasia
Hidrografía y mariña
Los ríos son curtios una y bones casi toos nacen nel país y diríxense al norte desaguando nel Mar de la China meridional. El ríu más importante ye'l ríu Belait na parte oeste.
La mariña ye llana, pantanosa y regular salvu na badea de Brunéi
Clima
El clima ye tropical lluviosu y templáu. La temperatura medio ye de 26,7 °C con poques variaciones mientres l'añu. El país escarez d'estación seca, hai agua mientres tol añu, lo qu'asocede ye qu'ésta ye más intensa mientres el monzón de payares a marzu.
Mediu ambiente
Parte del dineru de la esplotación de petroleu, usóse pa protexer la selva, que cubre cerca d'un terciu del país. Brunéi cunta con una importante fauna selvaxe anque ta en parte en peligru.
Brunéi protexe cerca del 20 % del so territoriu como'l parque de Ulu Temburong.
Usu de la tierra: tierra cultivable:
0,57 %
cultivos permanentes:
0,76 %
otros:
98,67 % (2001)
Tierra irrigada:
10 km² (1998 est)
Amenaces naturalestifones; terremotos y los hinchentes desastrosos son rares.
Mediu ambiente– temes actuales:.
Neblinas estacionales debíes a les quemes nos montes d'Indonesia.
Mediu ambiente– alcuerdos internacionales:.
Roblaos y ratificaos: especies en peligru d'estinción, arramaos peligrosos, lleis del mar, proteición de la capa d'ozonu y contaminación marítima.
