| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Viesca de los Ausentes}} ~~~~ |
La Viesca de los Ausentes (o actualmente Viesca del Recuerdu) ye un monumentu conmemorativu construyíu como homenax a les 191 víctimes de los atentaos del 11 de marzu de 2004 en Madrid y al axente de les fuercies especiales muertu cuando siete sospechosos de los mentaos atentaos se suicidaron con bombes el 3 d'abril de 2004 en Leganés. La Viesca de los Ausentes alcuéntrase na Chopera, nel parque madrilán d'El Retiro, cerca de la estación d'Atocha, y tien 118 hectárees con 192 árboles (22 olivares y 170 cipreses), ún por cada asesináu.
Al principiu tuvo instaláu na glorieta de la plaza d'Atocha, y creóse orixinalmente como parte de la decoración de les cais poles qu'había pasar la comitiva de la boda del príncipe don Felipe y la princesa doña Letizia.
Inauguración
En celebrando l'eventu, el consistoriu decidió reconstruyir de forma más ellaborada la Viesca de los Ausentes nel cercanu parque del Retiru. El Rei Don Xuan Carlos I y la Reina Doña Sofía presidieron la ceremonia inaugural, que tuvo llugar el 11 de marzu de 2005, nel primer aniversariu de los atentaos. Na ceremonia nun se pronunció discursu dalu por pidimientu espresu de los familiares de les víctimes. Tolos asistentes aguantaron en rigurosu silenciu cinco minutos; namái s'oyó'l soníu de fondu d'una xoven chelista tocando El cant dels ocells (El cantu los páxaros) de Pau Casals. Los reis colocaron una corona blanca con fueyes de lloréu, una cinta morada cola inscripción "A toles víctimes del terrorismu" y otra cinta coles dos colores de la enseña nacional. En tola tarde del día 11 y el día 12 de marzu miles de madrilanos acudieron a rindir homenax, igual qu'en caún de los sitios onde españaron les bombes del 11 de marzu. Tamién asistieron a la inauguración presidentes de 20 países, ente otros:
- Los Príncipes d'Asturies, Felipe de Borbón y Grecia y Letizia Ortiz
- José Luis Rodríguez Zapatero, Presidente del Gobiernu d'España
- Kofi Annan, Secretariu Xeneral de la Organización de les Naciones Xuníes (ONX)
- Mohammed VI, Rei de Marruecos
- Hamid Karzai, Presidente d'Afganistán
- Abdoulaye Wade, Presidente de Senegal
- Marek Belka, Presidente de Polonia
- Maíua Walad Sidaméd Taya, Presidente de Mauritania
- Jorge Sampaio, Presidente de Portugal
- Gran Duque Henri de Luxemburgu
- Javier Solana, Ministru d'Esteriores de la Xunión Europea
- Josep Borrell, Presidente del Parllamentu Européu
La viesca usóse como escenariu pa otros homenaxes anuales a les víctimes. Ye de destacar que l'asociación de víctimes y familiares del 11-M amosáronse reticentes a identificase col monumentu y colos homenaxes institucionales que nelli tienen llugar, nos que xeneralmente nun participen.
Referencies
Enllaces esternos
_08.jpg)
