Val Edward Kilmer (31 d'avientu de 1959, Los Angeles) ye un actor d'Estaos Xuníos d'América.
Biografía
Nació en Los Angeles, California, fíu d'un axente inmobiliariu. A los 16 años entra becáu na prestixosa Julliard School. Empezó a ser popular tres la so interpretación na obra Slab Boys, que representó en Broadway al llau de Kevin Bacon y Sean Penn. Rodó documentales y espublizó llibros de poesía. Kilmer intervieno en comedies de primeres de la so carrera, anque la so encarnación de Jim Morrison en The Doors, d'Oliver Stone, dio-y la fama. En 1988 casóse cola actriz Joanne Whalley, de la que terminaría divorciándose en 1996.
Con Joanne compartió creitos nes películes Willow (1988) y Kill me again (1989). En 2003 encarnó a la estrella del porno John Holmes na película Wonderland, un llargumetraxe qu'esplora na implicación d'esti personaxe nun cuádruple asesinatu que tuvo llugar en 1981. Dizse que caltuvo romances con Cher, Ellen Barkin, Drew Barrymore y Cindy Crawford. La so madre yera d'orixe suecu, y l'ascendencia del so padre inclúi l'alemana, irlandesa y cherokee
En 2009 Kilmer espresó nuna entrevista les sos ganes de presentar, nun futuru cercanu, la so candidatura pa convertise en gobernador del so estáu d'orixe, Nuevu Méxicu. Estes declaraciones recibieron el sofitu del gobernador de dichu estáu, Bill Richardson.
Filmografía
Premios
| Añu |
Categoría |
Película |
Resultancia
|
| 2005 |
Meyor Actor de repartu - Comedia/Musical |
Kiss Kiss Bang Bang |
Ganador
|
Referencies
Enllaces esternos
