La Universidá de Boston (Boston University; BU poles sos sigles n'inglés) ye una universidá privada llocalizada en Boston, Massachusetts, Estaos Xuníos. Anque foi oficialmente afitada por Boston nel añu de 1869, la universidá marca sos oríxenes hasta l'afitamientu de l'Institutu Bíblicu de Newbury, en Vermont, en 1839. La universidá celebró so Centenariu en 1939 y 1969.
Con más de 3.000 docentes nel claustru y unos 30.000 estudiantes, la Universidá de Boston ye la cuarta universidá privada más grande nos Estaos Xuníos y el cuartu establecimientu que da más emplegos en toa la ciudá. La Universidá ofrez títulos de Grau, Máster y Doctorau a traviés de 18 escueles y facultaes qu'operan en dos campus urbanos separaos. El campus principal allugase na rivera del ríu Charles nel barriu Fenway-Kenmore de Boston. El Campus Médicu Universitariu de Boston alcuéntrase nel barriu de South End.
