La Universidá Asturiana de Branu (UABRA) ye frutu de l'alcuerdu ente l'Academia de la Llingua Asturiana, la Universidá d'Uviéu y el Conceyu de Cangas del Narcea pa continuar y ameyorar los tradicionales Cursos de Branu n'asturianu. La nueva sede permanente tará en Cangas del Narcea y los cursos desendolcaranse la primer quincena d'agostu.

Los oxetivos de la UABRA son la capacitación llingüística n'asturianu, la formación d'investigadores en filoloxía asturiana y l'estudiu ya investigación de la realidá social y cultural del país.

Celebróse en Cangas ente los díes 2 y 13 d'agostu de 2010, siendo los ventenos octavos cursos de branu entamaos pola ALLA, agora inxertos na UABRA, cambiando la sede anterior de Santantolín, n'Ibias, y tornando a la villa del Narcea. Participaron 125 alumnos, repartíos nos cursos que vienen darréu^[1]:

• Cursu Elemental de Llingua Asturiana (60 hores, del 2 al 13 d'agostu).
• Cursu Avanzáu de Llingua Asturiana (60 hores, del 2 al 13 d'agostu).
• Curso de capacitación en galego-asturiano (II fase).
• Capacitación pa la traducción al asturianu
• Internet y asturianu: aplicaciones socio-educatives.
• Cursu d'averamientu a la llocución periodística en llingua asturiana.
• Cantares, bailles ya instrumentos musicales asturianos.
• La lliteratura asturiana nel aula d'Educación Primaria.
• Cursu d'aniciu a la investigación dialeutal, toponímica y de tradición oral.

Celebróse ente los díes 1 y 12 d'agostu de 2011, siendo los ventenos novenos cursos de branu entamaos pola ALLA, nos que participaron 150 alumnos, repartíos nos cursos que vienen darréu^[2]:

• Cursu Elemental de Llingua Asturiana (60 hores, del 1 al 12 d'agostu).
• Cursu Avanzáu de Llingua Asturiana (60 hores, del 1 al 12 d'agostu).
• Curso de capacitación en galego-asturiano (I fase) (60 hores, del 1 al 12 d'agostu).
• Capacitación pa la traducción al asturianu (33 hores, del 1 al 6 d'agostu).
• Coses nueves n'Internet. Aplicaciones personales y educatives (33 hores, del 1 al 6 d'agostu).
• Xuegos y tradiciones populares asturianes (33 hores, del 1 al 6 d'agostu).
• Historia d'Asturies. Nueves perspeutives (33 hores, del 8 al 12 d'agostu).
• Cursu d'aniciu a la investigación toponímica (33 hores, del 8 al 12 d'agostu).

Celebróse ente los díes 30 de xunetu y 10 d'agostu, siendo los trentenos cursos de branu entamaos pola ALLA. Los alumnos participaron nesa edición nos cursos que vienen darréu^[3]:

• Cursu Elemental de Llingua Asturiana (60 hores, del 30 de xunetu al 10 d'agostu).
• Cursu Avanzáu de Llingua Asturiana (60 hores, del 30 de xunetu al 10 d'agostu).
• Curso de capacitación en galego-asturiano (II fase) (35 hores, del 30 de xunetu al 4 d'agostu).
• Capacitación pa la traducción al asturianu (33 hores, del 30 de xunetu al 4 d'agostu).
• Internet y escuela. Nueves aplicaciones socioeducatives (33 hores, del 30 de xunetu al 4 d'agostu).
• Ecoloxía y Mediu Ambiente n'Asturies (33 hores, del 6 al 10 d'agostu).
• Cantares, bailles ya instrumentos musicales asturianos (33 hores, del 6 al 10 d'agostu).