Thelma Ritter (14 de febreru de 1902, Brooklyn – 5 de febreru de 1969, Nueva York) foi una actriz de cine d'Estaos Xuníos de los años 40, 50 y 60.
Biografía
Ritter nació en Brooklyn, Nueva York. Dempués d'apaecer n'obres de teatru xuveniles, recibió clases d'interpretación na American Academy of Dramatic Arts. Tuvo trabayando sobre los escenarios hasta que decidió formar una familia, anque años más tarde volvió interpretar, yá a empiezos de los años 40.
La primer película de Ritter foi "Milagru na cai 34" (1947). A lo llargo de la so carrera, Ritter foi nomada seis veces a los Premios de l'Academia, anque nunca recibió nengunu. Por esti fechu, xunto con Deborah Kerr y Glenn Close, ye l'actriz que más vegaes foi nomada a un Premiu Óscar d'interpretación y nunca lo ganó. En 1954 co-presentó la ceremonia xunto al actor Bob Hope.
Quiciabes los papeles más recordaos de Ritter sían el d'enfermera de James Stewart na película "Rear Window" (1954) y el de la devota criada de Bette Davis en "All About Eve" (1950).
Poco dempués d'apaecer en The Jerry Lewis Show en 1968, Thelma Ritter sufrió un ataque cardiacu qu'acabó cola so vida.
Filmografía (parcial)
Premios
- 1955 - Candidata al Emmy a la meyor actriz de repartu pola so interpretación nel episodiu "The Catered Affair" de la serie de televisión "Goodyear Television Playhouse".
- 1957 - Ganadora de Tony a la meyor actriz (Musical) por New Girl in Town, xunto a la so compañera, Gwen Verdon.
Referencies
Enllaces esternos