Susan Strasberg
Vida
Nacimientu	Nueva York[1], 22 de mayu de 1938[2]
Nacionalidá	Estaos Xuníos
Llingua materna	inglés
Muerte	Nueva York[3], 21 de xineru de 1999[2] (60 años)
Causa de la muerte	cáncanu de mama
Familia
Padre	Lee Strasberg
Madre	Paula Strasberg
Casada con	Christopher Jones (1965 – 1968)
Fíos/es	1
Hermanos/es	John Strasberg
Estudios
Estudios	High School of Music & Art (en) Professional Children's School (en)
Llingües falaes	inglés[4]
Oficiu	actriz, actriz de teatru, actriz de televisión, escritora, actriz de cine
Premios	ver Theatre World Award  (1956) [5]
Nominaciones	ver Premiu Tony a la meyor actriz principal nuna obra de teatru (1956)
IMDb	nm0001782

Susan Strasberg (22 de mayu de 1938, Nueva York – 21 de xineru de 1999, Nueva York)^[6] foi una actriz d'Estaos Xuníos.

El so nome completu yera Susan Elizabeth Strasberg, y nació na ciudá de Nueva York. Los sos padres yeren el direutor teatral y profesor d'interpretación Lee Strasberg y l'actriz teatral Paula Strasberg. El so hermanu, John Strasberg, ye tamién profesor d'interpretación. Strasberg tuvo una fía, Jennifer Robin (nacida'l 14 de marzu de 1966 en Los Angeles), col actor Christopher Jones, col que compartió un curtiu matrimoniu.

Susan Strasberg finó en 1999 en Nueva York tres una llarga llucha contra un cáncer de mama. Los sos restos fueron incineraos y les cenices espardíes nel mar.

Tres una bien allabada actuación como adolescente nel filme Picnic, Strasberg fixo, con 18 años d'edá, el papel del títulu na producción representada en Broadway de El diariu d'Ana Frank, siendo nomada a un Premiu Tony. La importancia de la so actuación quedó simbolizada cuando Julie Harris dio-y un pañuelu que Helen Hayes utilizara interpretando Victoria Regina, y que ella diera a Harris pol gran trabayu d'esta postrera en I Am a Camera.

Strasberg tamién protagonizó un filme italianu sobre l'holocaustu, Kapò, que foi nomáu al Óscar a la meyor película estranxera de 1960. Dábase la circunstancia de que l'actriz vivió dellos años n'Italia, allantándo-y que n'italianu fuera llamada "La Strasberg".

Strasberg escribió dos llibros: Bittersweet, una autobiografía na cual falaba sobre los sos tumultuosas rellaciones colos actores Richard Burton y Christopher Jones, lo mesmo que de la llucha de la so fía con una grave enfermedá, y Marilyn and Me: sisters, rivals, friends, nel cual falaba de la so rellación con Marilyn Monroe.

Strasberg foi una frecuente artista convidada en diversos programes televisivos de les décades de 1960 a 1980, ente ellos The Virginian, The Invaders, Bonanza, The F.B.I., Breaking Point, Burke's Law, The Streets of San Francisco, Galería Nocherniega, McCloud, Alies Smith & Jones, Remington Steele y The Rockford Files.^[7]

• The Cobweb (1955)
• Picnic (1955)
• 1955 Motion Picture Theatre Celebration (1955) (curtiu)
• Stage Struck (1958)
• Kapò (1959)
• Taste of Fear (1961)
• The Shortest Day (1962)
• Disorder (1962)
• Hemingway's Adventures of a Young Man (1962)
• The High Bright Sun (1964)
• The Trip (1967)
• Psych-Out (1968)
• The Name of the Game Is Kill (1968)
• Bastiu (1968)
• The Brotherhood (1968)
• Sweet Hunters (1969)
• The Sisters (1969)
• The Other Side of the Wind (1972) (inacabada)
• So Evil, My Sister (1974)
• The Legend of Hillbilly John (1974)
• The Stronger (1976) (curtiu)
• Sammy Somebody (1976)
• Rollercoaster (1977)
• The Manitou (1978)
• In Praise of Older Women (1978)
• Acting: Lee Strasberg and the Actors Studio (1981) (documental)
• Cumpleaños sangrientu (1981)
• The Returning (1983)
• Sweet 16 (1983)
• The Delta Force (1986)
• Remembering Marilyn (1987) (documental)
• Marilyn Monroe: Beyond the Legend (1987) (documental)
• The Runnin' Kind (1989)
• Prime Suspect (1989)
• Schweitzer (1990)
• The Cherry Orchard (1992)

• Susan Strasberg na Internet Movie Database (n'inglés)
• Susan Strasberg na Internet Broadway Database (n'inglés)
• Susan Strasberg n'Internet Off-Broadway Database (inglés)
• John Strasberg Studios
• Susan Strasberg dhablando de Marilyn Monroe video, 6 min.,
• «Susan Strasberg». en Find a Grave. (n'inglés)
• Esta obra remanez de la traducción de Susan Strasberg de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.