Fueron los sos padres Felipe Pérez y Rosa Manosalva, y los sos hermanos Felipe Pérez y Rafael Pérez.
Trayeutoria
Estudió nel Colexu del Espíritu Santu, fundáu y empobináu pol so mentor y amigu Lorenzo María Lleras, onde llogró'l grau de doctor en derechu.
Foi periodista y redactor en periódicos como El Mensaxeru, La Defensa (del cual foi redactor en 1880), El Relator, amás de L'América, de Nueva York, onde criticó la Doctrina Monroe.
Cuando tenía 22 años foi Secretariu de la Comisión Corográfica en 1852 y los sos apuntes fueron publicaos ente 1853 y 1854 nel periódicu El Neogranadino.
yéren-y igualmente familiares les humanidaes y les ciencies físiques, morales, xurídiques y sociales, y especialmente enseñaba la economía política con tal claridá, que tol que fixo'l cursu con él aprendió.
Nel so discursu de posesión dixo: "la instrucción, la moralidá y la riqueza son los factores de la República".
Les traces del so gobiernu fueron l'entamu de les obres del Ferrocarril del Norte, l'aumentu de les rentes (debíu especialmente a la medría de les esportaciones), l'amenorgamientu del contrabandu y l'amenorgamientu de los gastos.
N'apurriendo'l mandu en 1876 al so Secretariu de Facienda Aquileo Parra, Pérez siguió na llucha política y por cuenta de la so ferrial oposición a Rafael Núñez decidió expatriarse voluntariamente de 1885 hasta 1891. En 1892 foi escoyíu Xefe únicu del Partíu Lliberal. Foi desterráu pol vicepresidente Miguel Antonio Caro en 1895.
Crítica al so gobiernu
La so escesiva rixidez moral, la so intransixencia colos especuladores políticos y la severidá de que diera muestres como educador con dalgunos de los homes que, siendo los sos discípulos, taben yá figurando na política, ayenó-y munches voluntaes na so alministración. De xuru con tolos sos talentos y grandes virtúes, escareció de la elasticidá necesaria pa dirixir a los homes nel accidentáu terrén de la política.
Baldomero Sanín Cano
Llegaba al poder un home honestu, con amplia esperiencia en cargos de representación, pero con poca habilidá política, como lo demostró en diverses ocasiones.
Dexó dellos escritos que por ser úniques ediciones o inédites, son pocu conocíes:
De primeres, El Manual del Ciudadanu, que, según Baldomero Sanín Cano, ye "la esplicación, metódica, elocuente, ablucantemente lluminosa de los principios de derechu universal y de conveniencia política conseñaos na constitución de 1863".
Per otra parte, siguiendo a Sanín Cano, "ye so un tratáu d'economía política inda inéditu.
Sobre la conveniencia y la fecundidá civilizadora del Aforru escribió un diálogu del mesmu títulu, en que tán de bultu les clares y permanentes virtúes del so estilu castizu, sobriu, llenu de dignidá y fondu sentíu".
Tamién escribió, amiesta Sanín Cano, una Gramática Española, inédita, "materia qu'enseñó a delles xeneraciones con tanto fervor como competencia".
↑ 1,01,11,21,3Afirmao en: autoridaes BNF. Identificador BnF: 10370498s. Data de consulta: 26 febreru 2021. Autor: Biblioteca Nacional de Francia. Llingua de la obra o nome: francés.
