Rebecca Jayne Romero (24 de xineru de 1980, Londres) ye una deportista británica que compitió en ciclismu na modalidá de pista, especialista nes pruebes de persecución; anque enantes dedicárase exitosamente en remu.
Participó en dos Xuegos Olímpicos de Branu, en 2004 en remu y en 2008 en ciclismu, llogrando en total dos medayes, plata en Atenes 2004 na disciplina de cuatro scull y oru en Beixín 2008 na prueba de persecución individual.[2]
Ganó tres medayes nel Campeonatu Mundial de Ciclismu en Pista, nos años 2007 y 2008.[3]
En remu llogró una medaya d'oru nel Campeonatu Mundial de Remu de 2005, na prueba de cuatro scull.[4]
Romero foi nomada miembru de la Orde del Imperiu Británicu (MBE) nel añu 2008 polos sos ésitos deportivos.[5]
Trayeutoria deportiva
Ye fía de padre español y madre inglesa.[6] Empezó a prauticar el remu a los 18 años. Como miembru del equipu británicu nesti deporte, en siendo finalista nos campeonatos mundiales de 2001, 2002 y 2003, proclámase campeona nos Xuegos Olímpicos d'Atenes 2004 na prueba de cuatro scull (xunto con Alison Mowbray, Debbie Flood y Frances Houghton) y campeona nel Mundial de 2005, tamién en cuatro scull (esta vegada xunto a Sarah Winckless, Frances Houghton y Katherine Grainger).
En sufriendo persistentes problemes de llombu, en 2006 decidió abandonar del remu y empezar a prauticar un nuevu deporte, el ciclismu.[6] En bien pocu tiempu realizó grandes progresos, y nel Mundial de 2007 proclamóse subcampeona en persecución individual.
Nel Mundial de Manchester 2008 ganó l'oru tanto en persecución individual como por equipos (xunto con Joanna Rowsell y Wendy Houvenaghel), qu'amás establecieron un nuevu récor mundial. Nos Xuegos Olímpicos de Beixín 2008 consiguió la medaya d'oru en persecución individual, apostando la final col so compatriota Wendy Houvenaghel.
Rebecca Romero ye la segunda deportista na hestoria que gana medayes en dos deportes distintos de los Xuegos Olímpicos de Branu, tres l'alemana oriental Roswitha Krause, que lo fixo en natación y balonmano.[7]
Medayeru internacional
Ciclismu en pista
Remu
Referencies
Enllaces esternos
.svg){kind=small}
