L'actriz Mira Sorvino y el presidente de l'academia, Sid Ganis, lleeron les candidatures relatives al añu 2005 el 31 de xineru de 2006. Dende aquel momentu varios medios agoraron una gala más politizada de lo habitual considerando que la máxima favorita de la nueche, Brokeback Mountain (Ang Lee), narraba la hestoria d'amor ente dos vaqueros homosexuales. Otra de les candidates, Capote, yera un biopic sobre'l famosu escritor que la so enclín sexual yera idéntica a la de los anteriores. A esi fechu sumábase una circunstancia: la película narraba la investigación que Capote realizó pa poder escribir In Cold Blood, una novela en contra de la pena de muerte.
Al pie de los dos filmes citaos, atopábase una película que prevenía sobre los ataques a la llibertá d'espresión carecíos nos últimos tiempos de la mano de l'alministración Bush (Good Night, and Good Luck). Crash pela so parte pretendíase como un cuentu sobre les diferencies racionales en Los Angeles y sobre el desencuentro de les etnies. Completaba'l quintetu d'afortunaes Múnich, una cinta que llevantara angüeñes tantu en xudíos como en palestinos, yá la que la imaxe que s'ufierta de los mesmos nesta reconstrucción sobre la vengación del gobiernu de Golda Meir contra los organizadores del secuestru y asesinatu de 11 atletes mientres les olimpiaes del 72 ponía de relieve'l so desalcuerdu nel emplegu de la violencia. Nenguna de los cinco tuvos un ésitu en taquilla espectacular. De fechu nenguna de los cinco películes taba ente les 40 películes más taquilleres del añu n'Estaos Xuníos.
Por si fuera poco allegaben nesta edición una intérprete (Felicity Huffman) que defendía na cinta Transamérica el papel de transexual. A ella sumábase-y George Clooney -Good Night, and Good Luck-que sumaba cuatro candidatures na mesma nueche (productor, guionista, direutor y actor), magar na última lo yera por un filme distintu, Syriana, un ataque contra la intervención de la CIA nos países árabes. Por si fuera poco, otres de les películes más beneficiaes, The Constant Gardener, acometía duramente contra'l papel de les internacionales nel tercer mundu.
Un segundu factor -xunto al calter éticamente comprometíu de les candidates- llamaba l'atención: nenguna película podría afarar. Los premios de la crítica, los BAFTA, los Premios del Sindicatu d'Actores, los Globu d'Oru y los Satellite Awards señalaben a la película de Ang Lee y al so realizador como trunfadores de los dos principales premios. A tenor d'esos premios, Philip Seymour Hoffman, Reese Witherspoon y Rachel Weisz partíen con ventaya na categoría d'intérpretes. El Óscar al meyor actor de repartu yera l'únicu qu'espertaba más duldes. Les multi-candidatures de Clooney -sumaes al so tresformamientu físicu pa Syriana y al Globu d'Oru faíenlo partir d'un llugar privilexáu. Sicasí tenía dos rivales especialmente fuertes. El primeru, Paul Giamatti, había quedáu ausente na gala anterior contra tou pronósticu y gociaba del respaldu de la Screen Actors Guild, magar tres circunstancies perxudicaben la so carrera escontra la estauína: la so película (Cinderella Man) estrenárase va tiempu, la campaña de Giamatti foi escasa, y por si fuera poco el so nome fuera omitíu nes candidatures de los Premios BAFTA, nos cualos votaben dellos de los académicos que tamién escoyíen a los trunfadores de los Óscars. Estos dieron el BAFTA al meyor actor de repartu a Jake Gyllenhaal frente a George Clooney, manifestando qu'a pesar de la "trampa" tendida pola productora al promociona-y como secundariu (Gyllenhaal yera tan protagonista como Heath Ledger) si había dalgún miembru del repartu de la película a priori vencedora tenía posibilidaes d'ésitu, este yera Gyllenhaal, que'l so personaxe -un home sensible y valiente- amás conocía un desenllaz tráxicu.
.jpg)
