Liguria[1] (Ligùria en llingua ligur) ye una de les venti rexones que conformen la República Italiana. La so capital, y ciudá más poblada, ye Xénova. Liguria asítiase n'Italia noroccidental, y llenda al norte con El Piamonte, al noreste con Emilia-Romaña, al este con Toscana, al sur col mar de Liguria o golfu de Xénova y al oeste con Francia. Ye, colos sos 5.422 km², la tercer rexón más pequeña del país, y los sos 292 hab/km² de densidá de población faen d'ella la cuarta más densamente poblada per detrás de Campania, Lumbardía y Lazio. Tien una población total de 1 550 640 hab. (2019)[2]. Forma parte de la Eurorrexón Alpes-Mediterraneu.
Estendida ente les cordeleres de los Alpes y los Apeninos y el mar, sodivídese por convención la rexón en dos partes, la Riviera de Poniente y la Riviera de Llevante, separtaes aproximadamente pola capital rexonal.
Liguria divídese alministrativamente nuna ciudá metropolitana (Xénova) y trés provincies: Imperia, La Spezia y Savona.
Referencies
Enllaces esternos
