PROFILPELAJAR.COM

Ken Kesey
Vida
Nacimientu	La Junta, 17 de setiembre de 1935
Nacionalidá	Estaos Xuníos
Residencia	Springfield (es)
Muerte	Sacred Heart Medical Center University District (es) , 10 de payares de 2001 (66 años)
Sepultura	Kesey Family Farm Cemetery (en)
Causa de la muerte	cáncer hepáticu
Familia
Padre	Fred Alvin Kesey
Madre	Geneva Wilma Smith
Fíos/es	Sunshine Kesey (en)
Estudios
Estudios	Universidá d'Oregón ; Universidá Stanford ; Springfield High School (en)
Llingües falaes	inglés
Oficiu
Oficiu	escritor, novelista, ensayista, escritor de lliteratura infantil, lluchador
Trabayos destacaos	One Flew Over the Cuckoo's Nest (es) ; Sometimes a Great Notion (en)
Influyencies	Jack Kerouac, William S. Burroughs y William Faulkner
Movimientu	posmodernismu
IMDb	nm0450181
	intrepidtrips.com

Ken Kesey (17 de setiembre de 1935, La Junta – 10 de payares de 2001, Sacred Heart Medical Center University District ^(es) ) foi un escritor d'Estaos Xuníos.

Pasó gran parte de la so mocedá en Springfield, Oregón, pos se treslladó ellí xunto a la so familia. Dexó los estudios pa fugase cola so novia, Faye Haxby, y tuvieron tres fíos, Jed, Zane y Shannon. Más tarde tuvo una fía con una compañera de les comuñes hippies, Carolyn Adams. Estudió periodismu na universidá d'Oregón.

Algamó la notoriedá cola so primer novela, One Flew Over the Cuckoo's Nest, basada en bona midida nes sos vivencies como voluntariu ("cobaya humana") nos esperimentos con drogues sicotrópiques del Gobiernu d'Estaos Xuníos en Menlo Park a fines de los 50s. Kesey conoció d'esta miente la LSD, sustancia psicoactiva que tresformó fondamente la so perceición de la realidá social y personal. A partir de 1964, él y un grupu d'amigos, The Merry Pranksters o los "Allegres Chanciosos", fueron pioneros na esperimentación lúdico y espiritual con LSD y mariguana. A bordu d'un autobús pintáu con colores fluorescentes que llamaron "Further" ("Más allá"), los Pranksters percorrieron Estaos Xuníos y fueron estableciendo gradualmente munchos de los elementos retóricu y visual que dempués popularizó (y, a xuiciu de Kesey, trivializó) el movimientu hippie. Nesta xera cuntaron cola collaboración del grupu Grateful Dead, qu'acompañaba coles sos improvisaciones de música sicodélica les sesiones abiertes de consumu de LSD (Acid Tests) entamaes por Kesey. Mientres dalgún tiempu, Kesey y Timothy Leary representaron dos enfoques complementarios de la naciente Contracultura: irreverente ya imprevisible el de Kesey, ritualizado y mesiánicu'l de Leary. Asina, mientres Leary, que provenía d'un ambiente científico universitariu, buscaba inspiración pa los viaxes de LSD en testos exóticos y prestixosos como'l Llibru Tibetanu de los Muertos, Kesey, autodidacta, prefería inspirase na cultura pop norteamericana (cómic, ciencia-ficción y rock'n roll). A finales de la década, la persecución policial y el cansanciu pola repetición de les mesmes fórmules espresives, qu'empezaben a embodecase, llevaron a Kesey a dar per superada la esperimentación con drogues. A pesar d'eso, permaneció hasta la so muerte como unu de les figures emblemátiques del underground contestatario norteamericanu. Unu de los sos últimos trabayos foi un ensayu sobre la paz pa Rolling Stone.

El periodista Tom Wolfe popularizó en 1968 les esperiencies de Kesey y los Pranksters col so llibru The Electric Kool-Aid Acid Test (publicáu n'España como Gaseosa d'Ácidu Llétrico o Ponche d'ácidu lisérgico) . Sicasí, Kesey nunca dio la so aprobación a la visión de Wolfe, que consideraba superficial y ayena al espíritu de los fechos.

Referencies

↑ ^1,0 ^1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Afirmao en: Find a Grave. Identificador Find a Grave: 5965109. Data de consulta: 21 abril 2023. Llingua de la obra o nome: inglés.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.