PROFILPELAJAR.COM

Isaac Newton
12. presidente de la Royal Society (es)
Member of the 1701-02 Parliament (en)
director de la Casa de la Moneda (es)
alcaide de la Casa de la Moneda (es)
Member of the 1689-90 Parliament (en)
Profesor Lucasianu
Vida
Nacimientu	Woolsthorpe Manor (es) , 25 d'avientu de 1642 (xul.)
Nacionalidá	Reinu d'Inglaterra ; Reinu de Gran Bretaña
Residencia	Inglaterra
Grupu étnicu	Pueblu inglés
Muerte	Kensington, 20 de marzu de 1727 (xul.) (84 años)
Sepultura	Abadía de Westminster
Familia
Padre	Isaac Newton Sr.
Madre	Hannah Ayscough
Familia	ver Catherine Barton (sobrina);
Estudios
Estudios	Universidá de Cambridge ; The King's School, Grantham (en) ; (1655 - 1659) ; Trinity College (es) ; (xunu 1661 - agostu 1665) Grau n'Artes ; Trinity College (es) ; (abril 1667 - 1668) Maestría n'Artes
Direutor de tesis	Isaac Barrow; Benjamin Pulleyn; ensin valor
Llingües falaes	llatín; inglés
Alumnu de	Isaac Barrow; Benjamin Pulleyn
Profesor de	Roger Cotes; John Flamsteed; William Whiston
Oficiu	matemáticu, filósofu, físicu, astrónomu, teólogu, inventor, alquimista, políticu, polímata, profesor universitariu, escritor de non ficción, físicu teóricu, químicu, teólogu, astrólogu, escritor, maestre acuñador (es) , científicu, ejecutivo (es)
Llugares de trabayu	Cambridge y Londres
Emplegadores	Universidá de Cambridge (valor desconocíu –
Trabayos destacaos	Philosophiæ naturalis principia mathematica; Método de las fluxiones (es) ; Óptica: o tratado de las reflexiones, refracciones, inflexiones y colores de la luz. También dos tratados de las especies y magnitudes de imágenes curvilíneas (es)
Premios	ver Knight Bachelor (1705) ;
Influyencies	René Descartes
Miembru de	Royal Society
Creencies
Relixón	antitrinitarismu
Partíu políticu	whig (es)
IMDb	nm8865538

Isaac Newton, (25 d'avientu de 1642 ^(xul.), Woolsthorpe Manor ^(es) – 20 de marzu de 1727 ^(xul.), Kensington) foi un científicu, filósofu y matemáticu inglés, autor de los Philosophiae Naturalis Principia Mathematica, más conocíos como los Principia, onde describió la llei de la gravedá y, per aciu de les lleis que lleven el so nome, afitó les bases de la Mecánica Clásica.

Foi'l primeru n'amosar que les lleis naturales que gobiernen el movimientu de la Tierra y les que gobiernen el movimientu de los cuerpos celestes son les mesmes. Xunto con Gottfried Leibniz ye'l padre del cálculu modernu.

Les lleis de la dinámica

Nel so tratáu nomáu Principa desplíquense les tres lleis de la Dinámica o Lleis de Newton, nes que Newton desendolca'l movimientu de los cuerpos asina como los sos efeutos y causes. Estes lleis son:

La primer Llei de Newton o Llei de la inercia

"Tou cuerpu caltendráse nos sos estaos de reposu o movimientu uniforme y rectilliniu a nun ser que seya angariyáu por fuercies impreses a camudar el so estáu."

Con esta llei, Newton afita qu'un cuerpu sobro'l que nun actúen fuercies estrañes (o que les qu'actúen anúlense ente elles) caltendráse en reposu o moviéndose a velocidá constante.

Esta idea, que yá fuera enunciada por Descartes y Galileo, suponía frañer cola física aristotélica, según la qu'un cuerpu namái se caltenía en movimientu mentanto actuara una fuercia sobro él.

La segunda Llei de Newton o Llei de la interaición y la fuercia

"El cambéu de movimientu ye proporcional a la fuercia motriz impresa y ocurre según la llinia reuta a lo llargo de qu'esa fuercia s'imprime"

Esta llei desplica les condiciones necesaries pa camudar l'estáu de movimientu o reposu d'un cuerpu. Según Newton estes modificaciones namái tienen llugar si se produz una interaición ente dos cuerpos, entrando o non en contautu (por exemplu, la gravedá actúa ensin qu'heba contautu físicu). Según la segunda llei, les interaiciones producen variaciones nel momentu llinial, a razón de

${\vec {F}}={\frac {d{\vec {p}}}{dt}}$

Siendo ${\vec {F}}$ la fuercia, $d{\vec {p}}$ la derivada del momentu llinial, ${dt}$ la derivada del tiempu.

La segunda llei pue resumise na fórmula

${\vec {F}}={m}{\vec {a}}$ ,

siendo ${\vec {F}}$ la fuercia (midida en newtons) qu'hai d'aplicar sobro un cuerpu de masa m pa provocar una aceleración ${\vec {a}}$ .

La tercer Llei de Newton o Llei d'aición-reaición

"Con toa aición asocede siempres una reaición igual y de sen contrariu; les aiciones mutues de dos cuerpos siempres son iguales y empobinaes en senes opuestos"

Esta llei refléxase constantemente na natura: la sensación de dolor que se siente al golpiar una mesa, darréu que la mesa exerz una fuercia sobre ún mesmu cola mesma intensidá; el puxu qu'algama un nalador al exercer una fuercia sobro'l borde de la piscina, siendo la fuercia que lu emburria la reaición a la fuercia qu'él fixera previamente...

La gran obra de Newton venía a poner fin a la revolución científica entamada por Nicolás Copérnico (1473-1543) y entamaba un periodu d'enfotu ensin llendes na razón, estensible a tolos campos del conocimientu.