Georges Moustaki, nacíu Giuseppe Mustacchi[8] (3 de mayu de 1934, Alexandría – 23 de mayu de 2013, Niza) foi un cantautor nacionalizáu francés d'aniciu griegu, tamién foi artista plásticu.
Biografía
Nació n'Alexandría, n'Exiptu, de padres griegos de relión xudía y de llingua italiana[9], orixinarios de la isla de Corfú, medró nun ambiente multicultural (xudíu, griegu, turcu, italianu, árabe, francés) y apasiónase rápidamente pola lliteratura y la chanson francesa. So padre, llibreru francófonu, inscríbelu nel llicéu francés d'Alexandría, como a les sos dos hermanes[10].
Georges treslládase en 1951 a París onde s'instala cola so hermana y el so cuñáu, el poeta Jean-Pierre Rosnay, tamién llibreru y pal que trabaya puerta a puerta vendiendo llibros de poesía. Darréu exerz la profesión de periodista, barman nun piano-bar, lo que lu lleva a frecuentar a personalidaes del mundu musical del tiempu, especialmente nel altu llugar de la vida intelectual y cultural parisina, el barriu de Saint-Germain-des-Prés. Oye también a Georges Brassens, lo que ye pa él una revelación: al que se referirá siempre como'l so maestru, llegando a adoptar el so nome como pseudónimu. Entiéndense mui bien, y Brassens tómalu como discípulu.
Referencies
Enllaces esternos
Liens externes
