PROFILPELAJAR.COM

Fráncicu central 'Mittelfränkisch'
Faláu en	Alemaña Francia Bélxica Países Baxos
Rexón	Renania del Norte-Westfalia, Renania-Palatináu, Sarre, Lorena, Liexa, Limburgu
Familia	Indoeuropéu Xermánicu Xermánicu occidental Altu alemán Altu alemán central Alemán central occidental Fráncicu central
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2
ISO 639-3
Área de les llingües fránciques: en verde claro amuésense los dialeutos fráncicos centrales (en verde escuru, el luxemburgués)

Fráncicu central o franconio central (alemán: Mittelfränkisch) ye un términu llingüísticu qu'arrexunta delles variedaes del alemán central occidental. La zona del fráncicu central toma una amplia banda del centro-oeste d'Alemaña, esti de Bélxica, Luxemburgu y Lorena (Francia).

L'área llingüística del fráncicu central nun tien de confundir se cola rexón alministrativa bávara de la Franconia Media, onde se falen dialeutos fráncicos orientales.

Subgrupos

El fráncicu central suel estremase en tres subgrupos:

Ripuario (faláu nel estáu alemán de Renania del Norte-Westfalia, nel este de Bélxica y na parte suroriental del Limburgu neerlandés);
Fráncicu moselano (nos estaos alemanes de Renania-Palatináu y Sarre, nel este de Bélxica y na Lorena francesa);
Luxemburgués (en Luxemburgu y árees estremeres de Bélxica y Francia).

N'ocasiones inclúi'l luxemburgués dientro del fráncicu moselano, y otres vegaes considérase-y como un grupu separáu. La Comunidá Germanófona de Bélxica inclúi los dialeutos ripuarios y fráncicos moselanos. Los dialeutos fráncicos centrales formen parte del continuum renano que toma dende l'área del so fráncicu, al noroeste, hasta la zona de los dialeutos fráncicos renanos, al sureste.

Isogloses

La llamada llinia de Benrath, que va d'Eupen a Düsseldorf, establecióse como la llinia divisoria ente los dialeutos baxofráncicos y los dialeutos fráncicos centrales. Tolos dialeutos fráncicos centrales tán al sur d'esta isoglosa.