Yerba añal, frecuente, trepadora o rastrera, tan paecida a la especie Polygonum convolvulus, que se fai necesariu reparala atentamente pa distiguir los sos detalles diferenciadores. La diferencia más sobresaliente ta nel pedúnculu de los sos frutos, son llargos, recurvaos y acolorataos, de 5-8 mm de llargor, con un nuedu na so metá o más baxu, articulaos. Tamién tienen ales, continuación de la que tienen les pieces periánticas. Delles flores en cada verticilu, que salen d'una bolsita o membrana, especie de nuedu, ócrea, a lo llargo d'una espiga pocu foliosa, de normal vertical, espaciaes a lo llargo de los tarmos floríferos. Flor con 3 pieces periánticas, aquillaes y alaes, les 3 interiores de color blancu rosáu, 8 estames, l'estilu con 3 estigma. Frutu llisu, con 3 cares, de color negru mate, brillante nes arestes. Fueyes con llargu peciolu acanaláu, cantu enteru, nervios visibles, trinagulares y acorazonaes, bien apuntaes. Tarmos asurcaos, radiales y rastreros, si la planta naz en tierra llana, enrevesosos cuando crez ente maleza.[1]
Distribución y hábitat
En toa Europa, sacante nel estremu norte. Floria pel branu y na seronda.[2] Habita en sebes, montes, xunto a parés, rastroxos, prefier los barbechos bien araos y blandios.
Referencies
↑Bruno Gómez, J. (2002). La flor del Pandorial V, Catálogu Ilustráu. Lleón:Institulo Lleonés de Cultura. ISBN 84-95702-18-5.
↑Polunin, Oleg (1989). Flores Monteses d'España y d'Europa. Barcelona: Omega. ISBN 84-282-0857-3.
