PROFILPELAJAR.COM

Esther Applin
Vida
Nacimientu	Newark, 24 de payares de 1895
Nacionalidá	Estaos Xuníos
Residencia	Isla de Alcatraz (es)
Muerte	23 de xunetu de 1972 (76 años)
Estudios
Estudios	Universidá de California en Berkeley 1920) Maestría n'Artes
Nivel d'estudios	graduado con honores (es) (paleontoloxía, xeoloxía, physiography (en) ); maestría (micropaleontoloxía)
Llingües falaes	inglés
Oficiu	xeóloga, xeóloga del petroleu, paleontóloga, investigadora
Emplegadores	Universidá de Texas n'Austin ; US Geological Survey (1944 – 1962)
Miembru de	Sociedá Americana de Xeoloxía ; Society for Sedimentary Geology (en)

Esther Applin, nacida Esther Richards, (24 de payares de 1895, Newark – 23 de xunetu de 1972) foi una xeóloga y paleontóloga estauxunidense, pionera nel usu de microfósiles pa determinar la edá de formaciones predreses pal so usu na prospección de petroleu na rexón del Golfu de Méxicu.^[3]

Biografía

Foi fía de Gary Richards, inxenieru civil del exércitu de los Estaos Xuníos y de Jennie Taramie. Creció en Newark y más tarde vivió en Iowa. Finalmente, treslladóse a San Francisco cuando tenía 12 años. Vivió na base de la Isla d'Alcatraz hasta 1920 mientres el so padre trabayaba na construcción de la Prisión d'Alcatraz.

Estudió na Universidá de California en Berkeley y graduóse en 1919 en paleontoloxía, xeoloxía, y Xeografía física. En 1920, dexó California y camudóse a Houston pa trabayar pa la compañía Rio Bravo Oil. Ente qu'en Berkeley Applin centrara los sos estudios en grandes fósiles, esta educación teórica resultó ser de poco valor pa la perforación soterraña, una y bones los restos de los fósiles nes perforaciones yeren demasiáu pequeños pa poder identificalos de forma eficaz. Concluyó que los microfósiles atopaos nes cortes de perforación podríen ser útiles na correlación de les formaciones predreses del sosuelu. Dempués, tornó a California pa estudiar micropaleontoloxía onde se graduó.

En 1923, casóse con Paul Applin, que yera tamién xeólogu.^[4]

Trayeutoria

En 1921, Applin presentó un artículu en Amherst, Massachusetts, nel qu'esponía la so teoría de que los microfósiles podíen ser utilizaos na prospección de petroleu, en concretu no referío a la fecha de formaciones predreses na rexón del Golfu de Méxicu. La so teoría foi rebatida por un profesor de la Universidá de Texas n'Austin.^[4] En 1925, foi coautora d'un artículu nel qu'amosaba qu'usando microfósiles podía determinase la fecha de les formaciones predreses que contienen petroleu na rexón de la Mariña del Golfu.^[5] Siguió trabayando en Rio Bravo hasta 1927, y siguió liderando l'usu de la micropaleontoloxía na industria petrolera.^[4]

Tiempu dempués, trabayó xunto al so home nos Serviciu Xeolóxicu de los Estaos Xuníos col encargu de venceyar los campos petroleros del este de Texas, al traviés del sureste de los Estaos Xuníos y en Florida, utilizando la micropaleontoloxía y otros métodos.^[6]

Publicaciones

Applin, Esther. «A Microfauna From the Coker Formation, Alabama». Geological Survey Bulletin (United States Geological Survey) (1160-D). http://pubs.usgs.gov/bul/1160d/report.pdf.
Applin, Esther. A Biofacies of Woodbine Age in Southeastern Gulf Coast Region. United States Geological Survey. http://pubs.usgs.gov/pp/0264i/report.pdf.
Applin, Paul Livingston; Applin, Esther (1965). The Comanche Series and associated rocks in the subsurface in central and south Florida. United States Geological Survey. http://pubs.usgs.gov/pp/0264i/report.pdf.
Applin, Paul Livingston; Applin, Esther (1947). «Rexonal subsurface stratigraphy, structure, and correlation of middle and early Upper Cretaceous rocks in Alabama, Xeorxa, and north Florida». US Geological Survey Publication.
Maher, John Charles; Applin, Esther R (1971). Geologic framework and petroleum potential of the Atlantic Coastal Plain and continental shelf. United States Geological Survey. https://pubs.er.usgs.gov/publication/pp659.
Applin, Paul Livingston; Applin, Esther (1953). The cored section in George Vasen's Fee well 1, Stone County, Mississippi. United States Geological Survey. https://pubs.er.usgs.gov/publication/cir298.
Applin, Paul L.; Applin, Esther R. (1953). The Cored Section in George Vasen's Fee Well 1 Stone County, Mississippi. United States Geological Survey. http://pubs.usgs.gov/circ/1953/0298/report.pdf.

Referencies

↑ ^1,0 ^1,1 ^1,2 Afirmao en: The Biographical Dictionary of Women in Science. Páxina: 46. Editorial: Routledge. Llingua de la obra o nome: inglés. Data d'espublización: 16 avientu 2003. Autor: Marilyn Bailey Ogilvie.
↑ Afirmao en: catálogu de la Biblioteca Nacional Checa. Identificador NKCR AUT: jn20000600334. Data de consulta: 1r marzu 2022.
↑ «Esther Applin, xeóloga | Efemérides» (24 de payares de 2016). Consultáu'l 28 de payares de 2016.
↑ ^4,0 ^4,1 ^4,2 «Memorials». American Association of Petroleum Geologists Bulletin: páxs. 596. marzu de 1973. http://archives.datapages.com/data/bull_memorials/057/057003/pdfs/596.htm.
↑ Richards Applin, Esther; Ellisor, Alva Y.; Kniker, Hedwig T. (1925). «Subsurface Stratigraphy of the Coastal Plain of Texas and Louisiana». American Association of Petroleum Geologists Bulletin 9 (1): páxs. 79–122.
↑ Belt, Walter. Y Jr. (xunu de 1998). «Mississippi Experiences of Walter Belt». Mississippi Geology 19 (2): p. 22. Archivado del original el 2014-05-15. https://web.archive.org/web/20140515020731/http://www.deq.state.ms.us/mdeq.nsf/pdf/Geology_Volume019Number2June1998/$File/Vol_19_2.pdf?OpenElement. Consultáu'l 22 de xineru de 2016.