L'Estadiu Olímpicu de Turín (oficialmente y n'italianu: Stadio Olimpico Grande Torino) ye un estadiu multiusos allugáu na ciudá de Turín, Italia. L'estadiu, más conocíu como Stadio Comunale o a cencielles Comunale, foi sede de la Copa Mundial de Fútbol de 1934 y, dempués d'una completa remodelación, allugó les ceremonies d'apertura y de pieslle de los Xuegos Olímpicos de Turín 2006. Anguaño tamién ye nomáu Stadio Grande Torino, n'alusión al míticu equipu del Torino de los años 40. Sicasí, l'estadiu sigue siendo propiedá de la Comuña.
Historia
Estadiu Comunal Benito Mussolini.
Esti estadiu foi construyíu en 1933 pa ser sede de la Copa Mundial de Fútbol de 1934 realizada nel país. Orixinalmente planiáu pa 66.000 espectadores, foi nomáu Stadio ComunaleBenito Mussolini n'honor al líder fascista que gobernaba Italia en dicha dómina. Dos partíos fueron apostaos finalmente: unu foi mientres la primer ronda, en qu'Austria ganó por 3:2 a Francia, y el segundu foi la victoria de Checoslovaquia énte Suiza con igual marcador mientres semifinales.
Dempués d'años d'abandonu, el Stadio Comunale foi restauráu pa ser sede de les ceremonies d'apertura y pieslle de los Xuegos Olímpicos de Turín 2006 d'iviernu. El númberu d'espectadores foi amenorgáu a 28.140 asientos cubiertos. Tres los Xuegos, l'estadiu dexaría d'allugar a la Juventus y volvería acoyer al Torino Calcio; anque l'otru equipu de la ciudá, la Juventus, tamién emplegó esti estadiu mientres el Delle Alpi taba en remodelaciones, hasta'l día 8 de setiembre de 2011, fecha na cual inauguróse la so nueva sede, el Juventus Stadium.[1]
#Denómase asina al sector popular norte del Estadiu, onde s'alluga tradicionalmente la enchida de Torino Football Club.
El so nome débese a la torre de maratón que s'alcuentra detrás de la tribuna. Ye considerada la Curva más caliente d'Italia: n'honor a los sos simpatizantes, el Torino retiró de la so numberación el 12, que se convirtió en símbolu de la enchida Granate.
