Tailandia, con una bona infraestructura, una economía de mercáu abiertu, polítiques favorables a inversiones y fuertes polítiques d'esportación, tuvo una sólida crecedera ente los años 2000 y 2007, superior a 4% al añu,[1] algamando cotes del 6,9% y 6,1% en 2003 y 2004, en recuperándose de la crisis asiática del 1997-1998.[1]
Mientres la última etapa del Gobiernu del primer ministru Thaksin en 2006, el nivel d'inversiones baxó un 26%. La crisis financiera global del 2008-2009 afectó severamente les esportaciones del país, cola mayoría de los sectores sufriendo amenorgamientos significativos. El 2009 la economía contraxo 2,2%.[1]
Les esportaciones del país – principalmente máquines y componentes electrónicos, productos agrícoles y xoyes – siguen a impulsar la economía, representando más de metá del productu internu brutu.[1] El 2007 yera la segunda economía más fuerte de la zona de sureste asiáticu tres Indonesia.
