El turismu apodera l' economía d'Antigua y Barbuda, produciendo cuasi 60% del PIB y 40% de les inversiones.[1] L'amenorgamientu de turistes dende l'añu 2000 obligó al gobiernu a tresformar el país nun paraísu fiscal. La producción agrícola ta centrada nel ámbitu doméstico y llindao pol amenorgáu suministru d'agua y unu amenorgamientu de la mano d'obra por cuenta de los meyores salarios nos sectores de turismu y construcción.
Ye importante tamién la producción agrícola de caña d'azucre, algodón y frutes; según el refinamientu de petroleu y les manufactures téxtiles, de carpintería y de producción de ron. Produz daqué de cerveza, ropes, cementu, artesaníes locales y muebles.
La moneda oficial ye'l Dólar del Caribe Oriental (East Caribean Dollar), con una paridá fixa de 2,7:1 col dólar americanu dende l'añu 1976. El productu interior brutu foi de 18.100 dólares per capita en 2009, añu d'una retracción de 6,5% del PIB. La tasa d'inflación añal ye bien baxa (1,5% en 2007).
