L'Holocaustu y el Programa de divulgación de les Naciones Xuníes
Refugando toa negación, yá seya parcial o total, del Holocaustu como fechu históricu, l'Asamblea Xeneral de les Naciones Xuníes aprobó la
resolución 60/7 Condergando ensin reserves toles manifestaciones d'intolerancia relixosa, enguizamientu, acosu o violencia escontra persones o comunidaes basaes nel orixe étnicu o les creencies relixoses, uquier que tengan llugar.
Decide que les Naciones Xuníes designen el 27 de xineru -- aniversariu de la lliberación de los campos d'estermín nazis -- Día Internacional de
Conmemoración añal en memoria de les víctimes del Holocaustu, y encamienta a los Estaos Miembros a qu'ellaboren programes educativos que inculquen a les xeneraciones futures les enseñances del Holocaustu col fin d'ayudar a prevenir actos de xenocidiu nel futuru, y pide al Secretariu Xeneral qu'afite un programa de divulgación tituláu «L'Holocaustu y les Naciones Xuníes» y qu'adopte midíes pa movilizar a la sociedá civil en pro de la recordación del Holocaustu y la educación al respeutu, col fin d'ayudar a prevenir actos de xenocidiu nel futuru
