La tolerancia ye'l cimientu más firme de la paz y la reconciliación y nunca tuvo tanta importancia como nesta dómina, na que vivimos cambeos vertixinosos. Asina lo resalta'l Secretariu Xeneral nel so mensaxe d'anguaño y llapada a toos a fomentala, promoviendo la comprensión y el respetu ente toles cultures, dende los parllamentos a los patios de recréu nes escueles.
La tolerancia ye daqué que tien d'aprendese dende la infancia y que tienen qu'amparar los Estaos, lo que contribuyiría a un mundu más xustu, ensin violencia y ensin discriminación.
La
Declaración de Principios sobre la Tolerancia, qu'adoptaron los países miembros de la
UNESCO el 16 de payares de 1995, resalta esos aspeutos y afirma, ente otres coses, que la tolerancia reconoz los derechos humanos universales y la diversidá de los pueblos.
