Esti artículu o seición refierse o ta rellacionáu con un socesu deportivu de fútbolfuturu. La información d'esti artículu puede camudar frecuentemente. Por favor, nun amiestes datos especulativos y recuerda añadir referencies a fontes fiables pa dar más detalles.
Seis son enagora les propuestes iniciales pa la Copa Mundial de Fútbol de 2030: una candidatura en xunto de los miembros de l'Asociación de Naciones del Sureste Asiáticu[1], una propuesta pola Federación de Fútbol de Chile[2], una propuesta conxunta d'Uruguái, Arxentina y Paraguái[3], otra d'Ecuador[4][5], otra propuesta pola Asociación de Fútbol d'Inglaterra y una candidatura de Nueva Zelanda y Australia en xunto. Según les regles de la FIFA de rotación de continentes, la Copa del Mundu de 2030 nun puede realizase n'Asia (AFC) una y bones los miembros de la Confederación Asiática de Fútbol tán escluyíos de la candidatura tres la seleición de Qatar pa la Copa Mundial de 2022, nin tampoco n'América del Norte, Central y el Caribe (Concacaf) una y bones la candidatura conxunta de Canadá, Estaos Xuníos y Méxicu va allugar el Mundial de 2026.
En xunu de 2017, el presidente de la UEFA, Aleksander Čeferin declaró qu'Europa (UEFA) definitivamente va lluchar pol so derechu a entamar la Copa del Mundu de 2030. El vicepresidente de The Football Association, David Gill propunxo que'l so país podría postulase pa 2030, siempres que'l procesu de llicitación seya más tresparente. "Inglaterra ye unu de los pocos países que podría entamar inclusive un eventu de 48 naciones na so totalidá". En xunu de 2017, la UEFA declaró que "sofitaría una candidatura británica pa 2030 o inclusive una sola candidatura d'Inglaterra.
