Claudia Brücken
Vida
Nacimientu	Berching, 7 d'avientu de 1963 (61 años)
Nacionalidá	Alemaña
Familia
Casada con	Paul Morley
Estudios
Llingües falaes	alemán
Oficiu	cantante, compositora de cantares
Miembru de	Onetwo D:uel Propaganda
Xéneru artísticu	pop new wave
Instrumentu musical	voz
Discográfica	ZTT Records Island Records
IMDb	nm2633945

Claudia Brücken (7 d'avientu de 1963, Berching) ye una cantante solista alemana y antigua miembru de los grupos Propaganda y Act.

Dende 1996 tuvo actuando con Paul Humphreys, miembru del grupu OMD, de manera anónima y, en 2004, col nome de Onetwo. Tamién ye cofundadora del sellu discográficu There(There).

En 1983 formó parte de la banda xermana Propaganda, que treslladáronse a Londres en roblando col sellu ZTT Records. En 1984 y en 1985 algamaron el primer puestu del Top 30 colos senciellos Dr Mabuse y Duel. El 14 de febreru de 1985 casóse col reporteru musical y tamién cofundador de ZTT Paul Morley. En xunetu del mesmu añu publicaron el so primer álbum: A Secret Wish was Released, non ensin discrepancies ente los integrantes del grupu por cuenta de la rellación de Brücke col periodista y un contratu cola discográfica que consideraron papel moyáu hasta qu'en 1986 el grupu abandonó'l sellu al empar que la cantante dexó la banda pa quedase en ZTT.^[1]

Darréu xuniríase a Thomas Lleer pa formar Act, grupu qu'en 1988 llanzó'l so primer álbum tituláu Laughter, Tears and Rage. En 1991, en solitariu, llanzó al mercáu l'álbum Love: And a Million Other Things. D'esti postreru publicaron dos senciellos: Absolut(y) y Kiss Like Ether. Mientres los siguientes años concentróse principalmente na so maternidá en teniendo una fía polo que les sos actuaciones fueron collaboraciones con otros artistes.

En 1996 conoció a Paul Humphreys, miembru d'OMD, mientres trabayaba na publicación del so segundu trabayu en solitariu. Anguaño los dos trabayen como compositores y viven xuntos en Londres.^[2]

A finales de 2000, Brücken y Humphreys realizaron una minigira por Estaos Xuníos siendo Salt Lake City el puntu de partida. A lo llargo d'estes actuaciones interpretaron temes d'OMD y Propaganda, amás de cantares inéditos.

En 2005, el pianista Andrew Poppy collaboró con Brücken nel álbum Another Language. Más tarde pasaría a formar parte de Onetwo, cola cual, en 2007 publicaron el so primer álbum. En 2011 grabó Combined con ocho pistes del álbum anterior y cuatro nueves ente les que s'inclúi un dueto con Andy Bell.^[3]

El 11 de marzu de 2011 actuó nel Scala de Londres onde interpretó un repertoriu variáu de les sos antigües obres cuando entá yera integrante de Propaganda y Act amás de senciellos de Andrew Poppy, Onetwo y otres pieces como solista. El 23 de xunetu salió a la vienta'l CD/DVD del conciertu sol títulu This Happened: Live at the Scala.^[4]

El 6 de payares de 2012 publicó The Lost Are Found, álbum recopilatorio de cantares perdíos de dellos artistes: Pet Shop Boys, Julee Cruise y otros.^[5]

Pa marzu de 2013 anunció una xira pol Reinu Xuníu y otros conciertos por Alemaña que fueron postpuestos.^[6]

style="text-align:left; vertical-align:top;"|Wishful Thinking

style="text-align:left; vertical-align:top;"|Claudia Brücken

• Claudia Brücken.
• Zang Tuum Tumb and all that.
• Discografía de Claudia Brücken en Discogs