La capiya de La nuesa Señora del Baluarte, (en portugués:Capela de Nossa Senhora do Baluarte), ye una pequeña capiya asitiada na llocalidá d'Islla de Mozambique, na islla del mesmu nome, provincia de Nampula, Mozambique, nel esterior de la Fortaleza de San Sebastián, a los pies del so baluarte norte. Forma parte del conxuntu monumental de la ciudá que ta declaráu Patrimoniu de la Humanidá pola UNESCO dende 1991.
Historia
Foi construyida en 1522 pola tripulación de l'armada de Pedro de Castro que fizo ellí una escala camino de la India, la mesma qu'atacó l'establecimientu suaḥili del archipiélagu de les Quirimbas, onde fueron refugaos.
La capiya ye d'estilu manuelino, cubierta por una bóveda imperfecta, debíu posiblemente a la inesperiencia de los arquiteutos. Na so construcción fueron utilizaos cantería y elementos decorativos traíos de la metrópolis, de xuru destinaos a la India.
Foi construyida sobre una batería d'artillería nuna banda de la Fortaleza de San Sebastián. Darréu, mientres el sieglu XVII, foi-y añadíu un atriu na entrada de la mesma manera que les ilesies portugueses de la India.
Trátase de la única amuesa d'arquiteutura d'estilu manuelino en Mozambique y ta considerada como la edificación colonial más antigua de tola mariña del Índicu. Foi restaurada en 1996 con fondos de la Comisión Nacional pa los Descubrimientos de Portugal.
Galería d'imáxenes
Referencies
Enllaces esternos
