Boleslao I el Bravo (polacu: Bolesław I Chrobry; 966/967-1025) de la dinastía Piast, fíu de Mieszko I y la so primer esposa, la princesa checa Dobrava.[5][6] Casóse con Emnilda de Lusacia cola que tuvo un fíu, Miecislao II, quien-y asocedería nel tronu. La so segunda esposa sería la princesa Judit d'Hungría, fía del príncipe Géza[7][8] y hermana de San Esteban I d'Hungría. Del so matrimoniu con Judit, Boleslao I tendría un fíu, Bezprym,[9] el cual nun llegaría a reinar. Boleslao I reinó como duque de Polonia de 992 a 1025 y como rei de Polonia en 1025.
Evolución territorial polaca mientres el reináu de Boleslao.
Fundador de la independencia polaca, conquistó Gdansk, Cracovia y Silesia, y arrampuñó Moravia a Bohemia. En 1025 foi coronáu rei aprovechando la muerte del emperador xermánicu Enrique II. Sistematizó l'alministración y los impuestos. Estendió'l so país al mar Bálticu. Depués de la so muerte, tolos monarques polacos ostentaríen el títulu de príncipe (duque) hasta qu'en 1295 utilizaríen hereditariamente'l de «rei» y Polonia sería xubida al rangu de reinu.
↑Afirmao en: The Peerage. Identificador de persona en The Peerage: p14555.htm#i145541. Apaez como: Boleslaw I, King of Poland. Data de consulta: 9 ochobre 2017. Autor: Darryl Lundy. Llingua de la obra o nome: inglés.
↑Afirmao en: Encyclopædia Britannica Online. Identificador Encyclopædia Britannica Online: biography/Boleslaw-I. Apaez como: Boleslaw I. Data de consulta: 9 ochobre 2017. Llingua de la obra o nome: inglés.
↑Identificador de persona en The Peerage: p14555.htm#i145541. Data de consulta: 7 agostu 2020.
↑Afirmao en: The Peerage. Llingua de la obra o nome: inglés. Autor: Darryl Lundy.
↑A. Czubinski, J. Topolski, Historia Polski, Ossolineum 1989
↑L. Bielski, M.Traba, Poczet Krolow i Ksazat Polskich. Pp.18–28
↑Oswald Balzer: Genealogia Piastów, Kraków 1895, pp. 39–41
↑
S. A. Sroka, Historia Węgier do 1526 roku w zarysie, p. 19.
↑
Kazimierz Jasiński: Rodowód pierwszych Piastów, Warsaw 1993
