Arturo Álvarez-Buylla Roces (1958, Ciudá de Méxicu) ye un neurobiólogu mexicanu, d'orixe asturianu, profesor d'Anatomía y Neurociruxía na Universidá de California-San Francisco, especializáu na neuroxénesis del cerebru.[3]
En 2011 foi gallardoniáu col Premiu Príncipe d'Asturies d'Investigación Científica y Téunica polos sos estudios nel desarrollu de les célules nervioses enos los cerebros de los adultos, xunto a Giacomo Rizzolatti y Joseph Altman. El xuráu consideró qu'estos investigadores permitieron el "descubrimientu de la rexeneración de neurones en cerebros adultos y de les neurones espeyu" y que los sos afallos figuraben "ente los más importantes de la neurobioloxía, cambiando la nuestra forma d'entender el cerebru, dende los tiempos del profesor Santiago Ramón y Cajal".
Ye miembru de la Real Academia de Ciencies Exactes, Físiques y Naturales d'España y de la Sociedá de Neurociencies d'Estaos Xuníos. Miembru d'una familia procedente del exiliu Republicanu español, so padre, Ramón Álvarez-Buylla, foi un destacáu científicu tamién, y los sos güelos, Arturo Álvarez-Buylla Godino y Wenceslao Roces, fueron, respeutivamente, pioneru de l'aviación española y senador por Asturies.[4]
Referencies
Enllaces esternos
