AB Doradus

Ficha d'oxetu celesteAB Doradus
Estrella múltiple
Datos d'observación
Ascensión reuta (α) 82,186583 °[1]
Declinación (δ) −65,448944 °[1]
Distancia a la Tierra 48,7 ly
Constelación Dorado (es) Traducir
Otros nomes
Cambiar los datos en Wikidata

Coordenaes: Sky map 5h 28m 44.78s, -65° 26′ 56.198″

AB Doradus (AB Dor / HD 36705 / HIP 25647)[2] ye un sistema estelar que s'atopa a 48,7 años lluz na constelación austral de Doráu. La estrella principal ye una estrella acandilante, d'ende la denominación de variable «AB».

La estrella principal AB Doradus A, nana naranxa de tipu espectral K2V, tien una temperatura efectivo de 5100 ± 20 K. La so lluminosidá equival al 43% de la lluminosidá solar y el so radiu ye un 16% más pequeñu que'l del Sol. Xira sobre sigo mesma muncho más apriesa que'l Sol, siendo la so velocidá de rotación de siquier 53 km/s. El so periodu de rotación ye de namái 0,51 díes.[3] De resultes d'esto, tien un intensu campu magnéticu.[4] Midíes precises de la velocidá de rotación de la estrella nel so ecuador amosaron que dicha velocidá varia col tiempu debíu al efeuto de dichu campu magnéticu.[5] Coles mesmes, presenta mayor númberu de manches estelares que'l Sol. Con una masa de 0,91 mases solares, tien una edá averada de 75 millones d'años.[3]

AB Doradus B ye una nana colorada a 135 UA de la componente A. AB Doradus C ye una compañera bien próxima a la estrella principal, a namái 2,3 UA, con un periodu orbital de 11,75 años. Ye una de les estrelles conocíes con menor masa —93 vegaes la masa de Xúpiter—, mui cerca de la llende de 75 - 80 vegaes la masa de Xúpiter per debaxo del cual clasificárase como una nana marrón.[6] La so lluminosidá ye namái una milésima de la del Sol.

El sistema da nome a la llamada Asociación estelar d'AB Doradus, compuesta por unes 30 estrelles que se mueven na mesma direición y tienen una edá similar.[7] Otros miembros d'esta asociación son AK Pictoris, PW Andromedae y LO Pegasi.[8]

Ver tamién

Referencies

  1. ↑ 1,0 1,1 «The 2001 US Naval Observatory Double Star CD-ROM. I. The Washington Double Star Catalog» (n'inglés). The Astronomical Journal (6):  páxs. 3466–3471. avientu 2001. doi:10.1086/323920. 
  2. ↑ AB Doradus (SIMBAD)
  3. ↑ 3,0 3,1 Plavchan, Peter; Werner, M. W.; Chen, C. H.; Stapelfeldt, K. R.; Su, K. Y. L.; Stauffer, J. R.; Song, I. (2009). «New Debris Disks Around Young, Low-Mass Stars Discovered with the Spitzer Space Telescope». The Astrophysical Journal 698 (2). páxs. 1068-1094. http://cdsads.u-strasbg.fr/cgi-bin/nph-bib_query?2009ApJ...698.1068P&db_key=AST&nosetcookie=1. 
  4. ↑ JR Minkel (11 d'avientu de 2001). «Shimmying Star May Shed Light on Forces at Work in the Sun». Scientific American. Consultáu'l 25 de xunu de 2006.
  5. ↑ A. C. Cameron, J.F. Donati. «Christmas Star Does the Twist». PPARC. Consultáu'l 25 d'agostu de 2006.
  6. ↑ Weighing the Smallest Stars. ESO. 19 de xineru de 2005. http://www.eso.org/outreach/press-rel/pr-2005/pr-02-05.html. Consultáu'l 13 d'agostu de 2006. 
  7. ↑ Zuckerman, B.; Song, Inseok; Bessell, M. S. (2004). «The AB Doradus Moving Group». The Astrophysical Journal 613 (1). pp. L65-L68. http://adsabs.harvard.edu//abs/2004ApJ...613L..65Z. 
  8. ↑ AB DORADUS MOVING GROUP (SIMBAD)

Coordenaes: Sky map 5h 28m 44.78s, -65° 26′ 56.198″