মনমোহন সিং |
|---|
![]() |
|
| ১৩তম ভাৰতৰ প্ৰধানমন্ত্ৰী |
|---|
কাৰ্যকাল
২২ মে' ২০১৪ – ২৬ মে' ২০১৪ |
| ৰাষ্ট্ৰপতি |
এ পি জে আব্দুল কালাম
প্ৰতিভা পাটিল
প্ৰণৱ মুখাৰ্জী |
|---|
| পূৰ্বসূৰী |
অটল বিহাৰী বাজপেয়ী |
|---|
| উত্তৰসূৰী |
নৰেন্দ্ৰ মোদী |
|---|
| ভাৰতৰ বিত্ত মন্ত্ৰী |
|---|
কাৰ্যকাল
২৬ জুন, ২০১২ – ৩১ জুলাই, ২০১২ |
| পূৰ্বসূৰী |
প্ৰণৱ মুখাৰ্জী |
|---|
| উত্তৰসূৰী |
পি চিদাম্বৰম |
|---|
কাৰ্যকাল
৩০ নৱেম্বৰ, ২০০৮ – ২৪ জানুৱাৰী, ২০০৯ |
| পূৰ্বসূৰী |
পি চিদাম্বৰম |
|---|
| উত্তৰসূৰী |
প্ৰণৱ মুখাৰ্জী |
|---|
কাৰ্যকাল
২১ জুন, ১৯৯১ – ১৬ মে, ১৯৯৬ |
| প্ৰধানমন্ত্ৰী |
পি ভি নৰসিংহ ৰাও |
|---|
| পূৰ্বসূৰী |
য়শৱন্ত সিংহা |
|---|
| উত্তৰসূৰী |
জশৱন্ত সিং |
|---|
| ভাৰতৰ ৰেল মন্ত্ৰী |
|---|
কাৰ্যকাল
১৯ মে’ ২০১১ – ১৩ জুলাই ২০১১ |
| পূৰ্বসূৰী |
মমতা বেনাৰ্জী |
|---|
| উত্তৰসূৰী |
দিনেশ ত্ৰিৱেদী |
|---|
| ভাৰতৰ বৈদেশিক পৰিক্ৰমা মন্ত্ৰী |
|---|
কাৰ্যকাল
৬ নৱেম্বৰ ২০০৫ – ২৪ অক্টোবৰ ২০০৬ |
| পূৰ্বসূৰী |
কে. নটৱৰ সিং |
|---|
| উত্তৰসূৰী |
প্ৰণৱ মুখাৰ্জী |
|---|
| পৰিকল্পনা আয়োগৰ উপ-সভাপতি |
|---|
কাৰ্যকাল
১৫ জানুৱাৰী ১৯৮৫ – ৩১ আগষ্ট ১৯৮৭ |
| প্ৰধানমন্ত্ৰী |
ৰাজীৱ গান্ধী |
|---|
| পূৰ্বসূৰী |
পি. ভি. নৰসিংম্ভা ৰাও |
|---|
| উত্তৰসূৰী |
P. Shiv Shankar |
|---|
| ভাৰতীয় ৰিজাৰ্ভ বেংকৰ গভৰ্ণৰ |
|---|
কাৰ্যকাল
১৫ ছেপ্টেম্বৰ ১৯৮২ – ১৫ জানুৱাৰী ১৯৮৫ |
| পূৰ্বসূৰী |
আই. জি. পটেল |
|---|
| উত্তৰসূৰী |
অমিতাভ ঘোষ |
|---|
| ব্যক্তিগত তথ্য |
|---|
| জন্ম |
২৬ ছেপ্টেম্বৰ, ১৯৩২ (৯২ বছৰ)
গহ, অবিভাজিত পঞ্জাব, ব্ৰিটিছ ভাৰত[1] |
|---|
| মৃত্যু |
২৬ ডিচেম্বৰ ২০২৪
অখিল ভাৰতীয় আয়ুৰ্বিজ্ঞান প্ৰতিষ্ঠান, নতুন দিল্লী |
|---|
| ৰাজনৈতিক দল |
ভাৰতীয় জাতীয় কংগ্ৰেছ |
|---|
আন ৰাজনৈতিক
সম্পৰ্ক |
ইউনাইটেড ফ্ৰণ্ট (১৯৯৬–২০০৪)
ইউনাইটেড প্ৰগ্ৰেচিভ এলায়েঞ্চ |
|---|
| দাম্পত্যসঙ্গী |
গুৰুচৰণ কৌৰ (বি. ১৯৫৮) |
|---|
| সন্তান |
উপিন্দৰ
ডমন
অম্ৰিত |
|---|
| বাসস্থান |
৭, ৰেচ কৰ্চ ৰ’ড |
|---|
| শিক্ষানুষ্ঠান |
পঞ্জাব বিশ্ববিদ্যালয়, চণ্ডীগড়
ছেইণ্ট জনচ কলেজ, কেম্ব্ৰিজ
নুফফিল্ড কলেজ, অক্সফৰ্ড |
|---|
| ৱেবছাইট |
pmindia.gov.in |
|---|
ড॰ মনমোহন সিং ([mənˈmoːɦən ˈsɪ́ŋɡ] (
শুনক); জন্ম ২৬ চেপ্তেম্বৰ ১৯৩২ আৰু মৃত্যু ২৬ ডিচেম্বৰ ২০২৪) ভাৰতৰ ত্ৰয়োদশ প্ৰধানমন্ত্ৰী। অৰ্থনীতিবিদ ড॰ সিং জৱাহৰলাল নেহৰুৰ পাছতে একেলেথাৰিয়ে দুবাৰ কাৰ্যনিৰ্বাহ কৰা প্ৰথম শিখ প্ৰধানমন্ত্ৰী।
মনমোহন সিঙৰ জন্ম হৈছিল গহত (বৰ্তমান পাকিস্তানৰ পঞ্জাবত)। ১৯৪৭ চনৰ দেশবিভাজনৰ সময়ত তেওঁলোকৰ পৰিয়াল ভাৰতলৈ আহে। অক্সফ'ৰ্ডৰ পৰা ডক্টৰেট ডিগ্ৰী লাভ কৰাৰ পাছত তেওঁ ১৯৬৬-৬৯ চনত ৰাষ্ট্ৰসংঘত চাকৰি কৰে। ললিত নাৰায়ন মিশ্ৰই তেওঁক ভাৰতীয় ব্যৱসায় আৰু উদ্যোগ মন্ত্ৰালয়ৰ উপদেষ্টা নিৰ্বাচন কৰাৰ লগে লগে তেওঁৰ আমোলাতন্ত্ৰিক জীৱন আৰম্ভ হয়। ৭০ আৰু ৮০ ৰ দশকত মুখ্য অৰ্থনৈতিক উপদেষ্টা (১৯৭২-৭৬), ৰিজাৰ্ভ বেংকৰ গৱৰ্ণৰ (১৯৮২-৮৫), পৰিকল্পনা আয়োগৰ অধ্যক্ষ (১৯৮৫-৮৭) আদি ভাৰত চৰকাৰৰ কেইবাটাও দপ্তৰত তেওঁ চাকৰি কৰে।
১৯৯১ চনত ভাৰত প্ৰবল বিত্তীয় সংকটত পৰে। নবনিৰ্বাচিত প্ৰধানমন্ত্ৰী পি ভি নৰসিংহ ৰাৱে সকলোকে আচৰিত কৰি অ-ৰাজনৈতিক ড॰ মনমোহন সিঙক বিত্তমন্ত্ৰী হিচাপে কেবিনেটত মকৰল কৰে। প্ৰতিপক্ষৰ তীব্ৰ বিৰোধিতা সত্ত্বেও পাচৰ কেইবছৰত ড॰ সিঙে ভাৰতৰ অৰ্থনীতিক মুক্ত অৰ্থনীতি হিচাপে গঢ়ি তুলিবলৈ এলানি অৰ্থনৈতিক সংস্কাৰৰ পদক্ষেপ গ্ৰহণ কৰে। ইয়াৰ ফলত ভাৰতৰ বিত্তীয় সংকট আঁতৰিল আৰু সংস্কাৰবাদী অৰ্থনীতিবিদ হিচাপে গোলকীয়ভাৱে সিঙৰ প্ৰতিষ্ঠা হ'ল, যদিও ১৯৯৬ চনত সাধাৰণ নিৰ্বাচনত কংগ্ৰেছ দলে বিশেষ সফলতা লাভ কৰিব নোৱাৰিলে। তথাক্ৰমে পাচৰ অটল বিহাৰী বাজপেয়ী চৰকাৰৰ সময়ত সিঙে ৰাজ্যসভাত বিৰোধীপক্ষৰ নেতা হিচাপে কংগ্ৰেছ দলৰ নেতৃত্ব কৰে।
২০০৪ চনত কংগ্ৰেছৰ নেতৃত্বত ইউনাইটেড প্ৰগ্ৰেছিভ এলায়েন্স (UPA) ক্ষমতালৈ অহাৰ সময়ত অধ্যক্ষা ছোনিয়া গান্ধীয়ে অপ্ৰত্যাশিতভাবে মনমোহন সিঙক প্ৰধানমন্ত্ৰিত্ব অৰ্পণ কৰে। সিঙৰ নেতৃত্বৰ "UPA I" চৰকাৰে নেশ্যনেল ৰুৰেল হেল্থ মিশ্যন, ইউনিক আইডেণ্টিফিকেশ্যন অথৰিটি অব ইণ্ডিয়া, মহাত্মা গান্ধী ৰুৰেল এম্প্লয়মেণ্ট গেৰাণ্টি এক্ট, ৰাইট টু ইনফৰমেশ্যন এক্টকে ধৰি কেইবাখনো আইন আৰু আঁচনি গ্ৰহণ কৰে। ২০০৮ চনত ভাৰত আৰু আমেৰিকাৰ চিভিল নিউক্লিয়াৰ এগ্ৰিমেণ্ট বিলখনৰ বিৰোধিতা কৰি লেফ্ট ফ্ৰণ্টে চৰকাৰলৈ সমৰ্থন উঠাই লোৱাৰ বাবে চৰকাৰ প্ৰায় ভংগই হ'বলৈ ওলাইছিল। যদিও UPA I -অৰ কাৰ্য্যকালত ভাৰতৰ অৰ্থনীতি যথেষ্ট উৰ্ধগামী হয়, ২০০৮ চনৰ মুম্বাই আক্ৰমণ আৰু মাওবাদী বিদ্ৰোহ আদিয়ে চৰকাৰক বিপাঙত পেলায়।
২০০৯ চনৰ সাধাৰণ নিৰ্বাচনত কংগ্ৰেছ পুনৰ বিপুল সংখ্যাগৰিষ্ঠতাৰে বিজয়ী হয় আৰু পুনৰ মনমোহন সিঙৰ প্ৰধানমন্ত্ৰিত্বত চৰকাৰ গঠন কৰে। পাচৰ কেইবছৰত কমনৱেল্থ গেমচৰ আয়োজন, ২ জি স্পেক্ট্ৰাম, কয়লাৰ আবণ্টন আদি কেইবাটাও দুৰ্নীতি কাণ্ডই চৰকাৰক জুৰুলা কৰে।
শিক্ষা আৰু প্ৰাৰম্ভিক জীৱন
১৯৩২ চনৰ ২৬ ছেপ্তেম্বৰত ব্ৰিটিছ শাসিত পঞ্জাবৰ গহত(বৰ্তমান পাকিস্তানত) গুৰমুখ সিঙৰ ঔৰসত আৰু অমৃত কৌৰৰ গৰ্ভত মনমোহন সিঙে জন্মলাভ কৰে। শিশু অৱস্থাতে মাকক হেৰুওৱা মনমোহনক আইতাকে (দেউতাকৰ মাক) তুলি-তালি ডাঙৰ-দীঘল কৰে।
দেশ বিভাজনৰ পিছত তেওঁলোকৰ পৰিয়ালটো ভাৰতৰ অমৃতসৰলৈ গুছি আহে আৰু তেওঁ তাৰ হিন্দু কলেজত অধ্যয়ন কৰে। তাৰ পিছত পঞ্জাব বিশ্ববিদ্যালয়ৰ পৰা অৰ্থনীতি বিষয়ত ক্ৰমে ১৯৫২ আৰু ১৯৫৪ চনত স্নাতক আৰু স্নাতকোত্তৰ ডিগ্ৰী লাভ কৰে। ১৯৫৭ চনত কেমব্ৰিজ বিশ্ববিদ্যালয়ৰ 'ট্ৰাইপচ' (Tripos) সফলতাৰে সমাপ্ত কৰে।
কৰ্মজীৱন
১৯৫৭ চনৰ পৰা ১৯৫৯ চনলৈ মনমোহন সিঙে পঞ্জাৱ বিশ্ববিদ্যালয়ত অৰ্থনীতি বিভাগৰ অধ্যাপক আছিল। ১৯৬৬ চনত তেওঁ Delhi School of Economics ত অধ্যাপক হিচাপে কৰ্মৰত আছিল আৰু ১৯৬৬-১৯৬৯ চনৰ সময়চোৱাত ৰাষ্ট্ৰসংঘত কৰ্মনিৰ্বাহ কৰিছিল।[2]
১৯৬৯ চনত দিল্লী স্কুল অফ ইকনমিক্সত আন্তৰ্জাতিক বাণিজ্যৰ অধ্যাপক হিচাপে কৰ্মৰত থকা অৱস্থাতে ১৯৭২ চনত তেওঁ বিত্ত মন্ত্ৰালয়ৰ মুখ্য অৰ্থনৈতিক উপদেষ্টা হিচাপে নিযুক্ত হৈছিল।
১৯৭৬ চনত তেওঁ বিত্ত মন্ত্ৰালয়ৰ সচিব হিচাপে দায়িত্ব গ্ৰহণ কৰে। ১৯৮০-১৯৮২ চনৰ সময়চোৱাত তেওঁ পৰিকল্পনা আয়োগৰ লগত জড়িত আছিল। ১৯৮২ চনত তেওঁ ভাৰতীয় ৰিজাৰ্ভ বেংকৰ গভৰ্ণৰ হিচাপে নিযুক্ত হয়। ২০২৪ চনৰ এপ্ৰিলত তেওঁ ৰাজ্যসভাৰ সদস্যপদৰ পৰা অৱসৰ গ্ৰহণ কৰে।
পৰিয়াল আৰু ব্যক্তিগত জীৱন
মনমোহন সিঙে ১৯৫৮ চনত গুৰচৰণ কৌৰক বিয়া কৰায়। তেওঁলোকৰ তিনিগৰাকী কন্যা - উপিন্দৰ সিং, দমন সিং আৰু অমৃত সিং।[3]উপিন্দৰ সিঙে অশোক বিশ্ববিদ্যালয়ৰ ইতিহাস বিভাগৰ অধ্যাপক হিচাপে কাৰ্যনিৰ্বাহ কৰি আছে।[4]
তেওঁ 'এনচিয়েণ্ট দিল্লী '(১৯৯৯) আৰু 'এ হিষ্ট্ৰী অৱ এঞ্চিয়েণ্ট এণ্ড আৰ্লি মেডিয়াভেল ইণ্ডিয়া' (২০০৮) কে ধৰি ছয়খন কিতাপ লিখিছে।
মৃত্যু
২৬ ডিচেম্বৰ ২০২৪ তাৰিখে সিঙক হৃদৰোগ আৰু বৃদ্ধৱস্থা সম্পৰ্কীয় সমস্যাৰ বাবে নতুন দিল্লীৰ অখিল ভাৰতীয় চিকিৎসা বিজ্ঞান প্ৰতিষ্ঠানৰ জৰুৰীকালীন বিভাগত ভৰ্তি কৰোৱা হৈছিল। ২০২৪ চনৰ ২৬ ডিচেম্বৰত ৯২ বছৰ বয়সত একেখন চিকিৎসালয়তে সিংৰ পৰলোকপ্ৰাপ্তি ঘটে।[5]
তথ্যসূত্ৰ
বাহ্যিক সংযোগ
|
|---|
| সাধাৰণ | |
|---|
| ৰাষ্ট্ৰীয় পুথিভঁৰাল | |
|---|
| বৈজ্ঞানিক ডাটাবেচ | |
|---|
| অন্যান্য | |
|---|
