محمود ياسين (Mahmoud Yacine) (2 يونيه 1941 - 14 اكتوبر 2020) كان ممثل مصرى.[5]
حياته
ولد محمود ياسين يوم 2 يونيه 1941 فى مدينة بورسعيد و اخد درجة الليسانس فى الحقوق من جامعة عين شمس فى سنه 1964,امتهن المحاماة فى بداية حياته العملية, دخل المسرح القومى بعد تقدميه للاختبارات الخاصة بيه و رفض تعيين القوى العاملة ليه فى بورسعيد , و شارك خلال دى الفتره فى مسرحيات كتيره منها (سليمان الحلبي, ليلى والمجنون, الزير سالم).
فى فترة سبعينات القرن العشرين اصبح من النجوم البارزين فى الافلام الرومانسيه, و اللى من اشهرها (الخيط الرفيع, حكاية بنت اسمها مرمر, حب وكبرياء, الرصاصة لسه فى جيبى). أما فى تسعينيات القرن العشرين و بداية الألفية الجديدة ازداد عمله بشكل كبير فى التلفزيون, و لم يبتعد عن السينما بشكل كامل, ومن أعماله التلفزيونية (أبو حنيفة النعمان, ضد التيار, سوق العصر, العصيان).
اعماله
ليه تاريخ طويل من الأعمال الفنية فى السينما والمسرح والتليفزيون والاذاعة. لتميزه بصوت رخيم و أداء مميز فى اللغة العربيه اتولى التعليق و الرواية فى المناسبات الوطنية والرسمية, و عمل أدوارا قوية فى المسلسلات الدينية والتاريخية. محمود ياسين متجوز من الفنانة الممثلة المصرية شهيرة, و خلف منها الممثل عمرو محمود ياسين والممثلة رانيا محمود ياسين واللى اتجوزت الممثل المصرى محمد رياض.
افلامه
التلفزيون
مسلسلاته
الجوايز والاوسمه والمناصب
حصل على اكتر من 50 جايزة فى مختلف المهرجانات فى مصر وخارجها وكلها جوايز ليها أهميتها عنده فقد حصل على:
- جوايز التمثيل من مهرجانات طشقند سنه 1980.
- ومهرجان السينما العربيه فى أميركا و كندا سنه 1984.
- ومهرجان عنابة بالجزاير سنه 1988.
- اخد جايزة الدوله عن أفلامه الحربيه سنه 1975.
- جايزة الانتاج من مهرجان الاسماعيلية عام 1980.
- اختير رئيس تحكيم لجان مهرجان القاهرة للاذاعة والتلفزيون سنه 1998 و رئيس شرف المهرجان فى نفس السنه الى جانب توليه منصب رئيس جمعية كتاب وفنانى واعلاميى الجيزة
- كما اخد جايزة أحسن ممثل فى مهرجان التلفزيون لسنتين متتالين 2001، 2002.
- تم اختياره سنه 2005 على ايد الامم المتحده سفيرا للنوايا الحسنة لمكافحة الفقر والجوع لنشاطاته الانسانية المتنوعة.
لينكات برانيه
مصادر
.svg)
.svg)
,_Flag_of_Syria_(1980%E2%80%932024).svg)
