محمد انور السادات
معلومات شخصيه
الميلاد	25 ديسمبر 1918 [1][2][3][4][5][6][7]  ميت ابو الكوم
الوفاة	6 اكتوبر 1981 (63 سنة)[1][8][2][3][4][5][6]  القاهره
سبب الوفاة	سلاح نارى
مكان الدفن	النصب التذكارى للجندى المجهول (مدينة نصر)
قتله	خالد الاسلامبولى
مواطنه	السلطنه المصريه (1918–1922) المملكه المصريه (1922–1953) جمهورية مصر (1953–1958) الجمهوريه العربيه المتحده (1958–1971) مصر (1971–1981)
عضو فى	الظباط الاحرار ،  ومجلس قيادة ثورة 1952
الزوج/الزوجه	اقبال ماضى (1940–1949) جيهان السادات (1949–6 اكتوبر 1981)
ابناء	رقيه السادات ،  وراويه السادات ،  وكاميليا السادات ،  ولبنى السادات ،  ونهى السادات ،  وجمال السادات ،  وجيهان انور السادات
عدد الاولاد
مناصب
نائب رئيس الجمهوريه فى مصر
في المنصب 19 ديسمبر 1969  – 14 اكتوبر 1970
حسين الشافعى   على صبرى
رئيس مصر
في المنصب 28 سبتمبر 1970  – 15 اكتوبر 1970
رئيس مصر
في المنصب 28 سبتمبر 1970  – 6 اكتوبر 1981
جمال عبد الناصر   محمد حسنى مبارك
رئيس مصر
في المنصب 15 اكتوبر 1970  – 2 سبتمبر 1971
رئيس وزرا مصر
في المنصب 26 مارس 1973  – 25 سبتمبر 1974
عزيز صدقى   عبد العزيز حجازى
رئيس وزرا مصر
في المنصب 15 مايو 1980  – 6 اكتوبر 1981
مصطفى خليل   محمد حسنى مبارك
الحياه العمليه
المدرسه الام	الكلية الحربيه المصريه
المهنه	سياسى
الحزب	الحزب الوطنى الديمقراطى (1977–1981) الاتحاد الاشتراكى العربى (1962–1977)
اللغه الام	عربى
اللغات المحكيه او المكتوبه	انجليزى ،  وعربى [9]
مجال العمل	سياسه ،  ودبلوماسيه
التيار	ناصريه ،  وقوميه مصريه ،  وراسماليه
الخدمة العسكرية
الفرع	القوات البريه المصريه
الرتبة	مشير
المعارك والحروب	ثورة 23 يوليه ،  وحرب اليمن ،  وحرب اكتوبر
الجوايز
جايزة نوبل فى السلام   (1978)[10][11]  قلادة النيل العظمى  وسام الجمهوريه (تونس)  وسام الملك عبد العزيز
التوقيع
المواقع
الموقع	الموقع الرسمى (عربى )
IMDB	صفحته على IMDB
تعديل مصدري - تعديل

محمد انور السادات تالت رئيس لجمهورية مصر و حكمها من 1970 لحد اغتياله فى 6 اكتوبر سنة 1981.اتولد السادات فى 25 ديسمبر 1918 فى قرية ميت ابو الكوم فى مركز تلا فى محافظة المنوفيه .اتجوز "چيهان صفوت" سنة 1949 بعد ما انفصل عن مراته الاولانيه اقبال ماضى اللى كان اتجوزها سنة 1940. وله 3 بنات من "چيهان" , اللى اشتهرت بچيهان السادات.اشتهر السادات بقوته وبصراحته وبذكاءهُ و حكمتهُ وحبه لمصر و قدر يطلعها من دايرة الحروب والدمار للتنميه و الانفتاح و رجع اسمها التاريخى العريق اللى اتنازل عنه جمال عبد الناصر اللى حكم قبله لأول مره فى تاريخها. أخد جايزة نوبل للسلام.

• دخل المدرسه الحربيه 1935 .
• اتخرج منها كملازم تانى 1938.
• شارك فى انقلاب الظباط الاحرار 1952.
• بقى رئيس مصر سنة 1970.
• شن حرب اكتوبر 73 على اسرائيل.
• وقع اتفاقية سلام مع اسرائيل.
• اخد جايزة نوبل للسلام (1978)
• اغتاله تنظيم الجهاد على ايد خالد الاسلامبولى سنة 1981 .

من أهم الحاجات التى عملها السادات انه حارب اسرائيل فى حرب 6 اكتوبر سنة 1973. فى ظرف ست سنين بس قدر يعيد بنا جيش مصر اللى اتدمر فى حرب 1967 و يخوض بيه حرب و يخرج منتصر .

السادات اتفاوض على السلام من موضع قوه و عمل اتفاقية السلام المصريه الاسرائيليه سنة 1978 و رجع بقية سينا من غير ما مصرى يتقتل فى حرب تانيه ، برؤيتهُ للمستقبل العالمى وتوقعاته بانهيار السوفييت.

السادات اخد جايزة نوبل فى السلام سنة 1978 بسبب مجهوده و اهتمامه بـ السلام بالاشتراك مع مناحيم بيجن .

• الشيوعيين بيلوموه على سياساته الراسماليه ومحاولته انه يلغى الدعم.
• الليبراليين بيلوموه على انه سمح للجماعات الاسلاميه والمتطرفيين انهم يدخلو العمل السياسى عشان يوازنهم مع الشيوعيين. بعد كده جماعه من الجماعات التابعه لتنظيم اسلامى خططت لاغتياله . وبعدين بقوا قوه بعد كده لحد ما تصدى لهم الامن فى التسعنيات بيلوموه كمان انه قبض على عدد كبير من المثقفيين و من كل التيارات السياسية و الدينية وكل اللى كانو بيعارضوه وقفل كل الجرايد اللى مش قومية وسجنهم فى 5 سبتمبر 1981 .
• العرب بيلوموه على معاهدة السلام ، و بقيادة احمد حسن البكر اللى كان رئيس العراق وقتها خرجوا مصر من الجامعه العربيه و كونوا حاجه اتسمت جبهة الصمود و التصدى انتهت للاشىء و ما حققتش أى حاجه و انتهت العراق نفسها بتدميرها و البلاد اللى شاركتها بتعانى صعوبات مصيريه فى شرق اوسط بيتغير شكل خريطته ، مع ان السادات كان بيقترح حل نهائى للفلسطينيين بانسحاب اسراائيل لحدود 1967.

مهما كانت الانتقادات قدر السادات يوقف نزيف الدم و وفر الاف القتلى و المعاقين اللى كانو ممكن يكونو ضحايا لحروب بين مصر و اسرائيل.

اتكرم السادات فى كل بلاد العالم المتحضره و نال احترام الشعوب المحبه للسلام و أخد جايزة نوبل للسلام. فى 22 ديسمبر 2009 اسرائيل كرمته فسمت ميدان فى مدينة حيفا على اسمه.

• السادت ألـّف كتاب عن حياته اسمه البحث عن الذات.
• يا ولدى ده عمك جمال
• ثورة على النيل
• الحكايه الكاملة للثورة.
• الصفحات المجهوله للثوره.

• رقية السادات ترحب بتكريم اسرائيل للزعيم المصرى الراحل

• محمد انور السادات – صور وتسجيلات صوتيه و مرئيه على ويكيميديا كومونز
• محمد انور السادات على موقع كيورا - Quora
• محمد انور السادات معرف مخطط فريبيس للمعارف الحره
• محمد انور السادات معرف ملف المرجع للتحكم بالسلطه فى WorldCat
• محمد انور السادات معرف النظام الجامعى للتوثيق
• محمد انور السادات معرف جران منشورات الموسوعه الكتالانيه
• محمد انور السادات ارشيف مونزينجر
• محمد انور السادات المعرف المعيارى الدولى للاسماء
• محمد انور السادات خدمه المكتبه الوطنيه
• محمد انور السادات فايند اجريف

فيه فايلات فى تصانيف ويكيميديا كومونز عن:

محمد انور السادات