مدينه فوه (بالعربية: فُوّه، بضم الفاء وتشديد الواو) واحده من مدن محافظه كفر الشيخ العشره اللى بتقع فى اقصى شمال مصر، وموقعها فى غرب المحافظة على الشط الشرقي لفرع رشيد، وهي عاصمه مركز فوه، ومساحه مركز فوه بتساوي 106.19 كم2؛ او 25279 فدان، بتعادل 3.7% من مساحه المحافظه الكليه.
مركز فوه من المراكز الصغيره ، خصوصا لما اتحولت مطوبس لمدينه فقسمت المركز لمركزين هما الموجدين دلوقت، فوه فى الجنوب ومطوبس فى الشمال على ساحل البحر.
مدينه فوه عاصمه المركز، وفيها 2 قريه رئيسيه، و4 وحدات محليه، و5 قرى توابع، و64 عزبه، والوحدات المحليه وقراهم الرئيسيه [1]نسخة محفوظة 2006-02-05 على موقع واي باك مشين. هى:
1. قبريط (منيه الأشراف، الفتوح، المنشيه، عربان).
2. سنديون: (شمشيره).
3. السالميه.
4. ابو دراز.
السكان
عدد سكان المركز حسب التعداد التقديري فى 1 ابريل 2007 كان 137.545 انسان.
اصل اسم فوه
- كانت مدينه فوه عاصمه اقليم من اقاليم مملكه الشمال القديمه اللى هى عاصمتها بوتو، وده قبل توحيد القطرين، وكان اسم الاقليم (واع إمنتي). وكان اسمها بعد توحيد القطرين (متليس).
- وفي العصر اليوناني والروماني بيذكرها "إميلينو" فى كتاباته ان اسمها (بوي poei) او "مدينه الاجانب"؛ واتسمت كده لانها كانت مقر للسفارات الاجنبيه الموجوده عشان التجارة الاجنبيه، يعني هى كانت مينا مهم جدا على الفرع البلوتيني القديم (من فروع النيل السبعه القديمه)، واسم المدينه جه فى برديه قديمه اسمها برديه (رومية نصهل) وكان مكتوب فيها عن فوه: "تصنع خيراً أن تحضر تجدنا فى "بوي" لأنه يجب علينا الذهاب للسفر بحراً نحو اللك ان". والبرديه دي تاريخها بترجع لسنة 123 ق.م، والباحثين اتأكدوا ان "بوي" هى مدينه فوه القديمه، لكن حرف (ب) اتقلب لـ (ف) زي مدن كتيره فى مصر القديمه زي: فاووالفيوموادفو.
