فرج فوده كان عضو فى حزب الوفد الجديد لحد ما استقال سنه 1984 لما اتحالف الوفد ويا الاخوان المسلمين فى انتخابات مجلس الشعب لأنه بيعتقد إن الإخوان بييضروا الديمقراطية والوحدة والوطنية.
فرج فودة اتقتل بالرصاص بعد تحريض جبهة علما الازهر عليه و اتهامه بالردة و وجوب قتله فى بيان ليها فى جريدة النور سنة 1992 و الشيخ عمر عبد الرحمن صاحب فتوى قتل "فودة".
فى دخليق مع القاتل سأله المحقق : ليه قتلت فرج فودة؟ فرد المتهم: إكمنه كافر، فسأله المحقق: من انهو كتاب من كتبه عرفت إنه كافر؟ فرد القاتل: أنا ماقريتش كتبه . فسأله: إزى ؟ فرد: أنا مابعرفش لا أقرا و لا أكتب.
حياته
اتشهر فرج فودة بمقالاته الحادة اللى انتقد فيها التطرف الاسلامى و عارض فيها الدولة الاسلامية و طالب بوقف سلطة رجال الدين على الدولة خاصة الشئون الدنيوية.
فرج فودة اتميز بالذكاء الشديد اللى مكنه من انه يعارض الفكر اللى بتقوم عليه نظريات الجهاد و خصوصا صراعه مع الغزالى و محمد عمارة و عبد الحميد كشك اللى كفروه رغم انه فى كل كتبه و مقالاته كات بيأكد اسلامه و كان بيقول ان صراعه مع الاسلاميين صراع سياسى مش صراع ديني.
كمان صراعات مع كتير من الكتاب الاسلاميين فى مصر زى فهمى هويدي. وعارض جامد افكارهم اللى بتدعو لاقامة دولة مش علمانية فى مصر.
بس أخيرا وزارة الثقافة فى مصر هتعمل له مؤتمر بمناسبة مرور 25 عاما على اغتياله بمشاركة المجلس الأعلى للثقافة والهيئة المصرية العامة للكتاب ودار الكتب والوثائق القومية.[1]
الساعة سبعة الا ربع و هو بره من مكتبه فى مدينة نصرو معاه ابنه الصغير وواحد صاحبه, هجم عليه اتنين من الجماعة الاسلامية راكبين موتوسيكل و فتحو عليه النار من رشاش الى و بعديها اتنقل للمستشفى و مات بعديها بست ساعات.
الشيخ الازهرى محمد الغزالى اعلن ان قتل المرتد مش غلط و قال ان قتل فرج فوده هو تطبيق لحد القتل للمرتد لان الامام فشل فى تطبيقه.
كتبه
الحقيقة الغائبة: الكتاب ده بيعرض لتاريخ الخلفاء والخلاف السياسى اللى ادى لكتير من العنف والخلل فى الدوله ومشاكل الخلفاء وعمالهم. و هو من اشهر كتبه للى بيميلوا للقصص فى عرض الحقيقة
زواج المتعة: الكتاب ده بيعرض وجهات نظر المذاهب سنه و شيعه بشكل حوارى وعشان كده الكتاب ده بيعتبر جرئ لانه بيروح لمنطقة شايكة فى الحياة الإجتماعية.
حوارات حول الشريعة
الطائفية الى أين؟
الملعوب: دا كتاب اقتصادى بيبين اسلوب ادارة شركات توظيف الاموال ايام ما كان النشاط ده رايج مع الناس.
نكون او لا نكون
الوفد والمستقبل
حتى لا يكون كلاما فى الهواء
النذير: ده كتاب فيه دراسات وخطط عملة للدولة المصرية وبينذرها الراجل من انها لازم تقاوم الارهاب
الإرهاب
حوار حول العلمانية
قبل السقوط: من اشهر كتبه وبيناقش اية اللى ممكن المجتمع يوصله لو مفيش دولة مدنيه
