شريف منير اتولد فى مدينة المنصوره التابعه لمحافظة الدقهليه سنة 1959, درس فى قسم التمثيل بالمعهد العالى للفنون المسرحيه بنصيحة الشاعر الراحل صلاح جاهين, بد يطلع فى اعمال فنيه من نص التمانينات, شارك فى مسلسلات (رحلة المليون, بكيزه و زغلول, ليالى الحلميه), و فى افلام (الطوفان, ضربة معلم, ابناء و قتله). انشهر فى التسعينيات بعدما لعب شخصية يوسف فى فيلم الكيت كات و من وقتها شارك فى عدد كبير من الافلام منها: (ديسكو ديسكو, رومانتيكا, شورت و فانله و كاب, سهر الليالى, ولاد العم, هستيريا).
اعماله
بدا حياته الفنيه سنة 1983 عازف درامز, بعدها نصحه الشاعر الراحل صلاح جاهين بدراسة التمثيل لما شافه مع ابنه, دخل المعهد العالى للفنون المسرحيه قسم التمثيل, و اتخرج منه سنة 1986 بس بدا التمثيل سنة 1984 و قدم رحلة المليون و بعدها كتير من الاعمال الناجحه منها "الجواز على طريقتى" و "اللص الذى احبه" و "ليالى الحلميه" و "غاضبون و غاضبات", كمان قدم اعمال مسرحيه منها "حزمنى يا" و "كده اوكيه", بعدها عمل مذيع برامج و اشتغل فى الانتاج.
