شبرا الخيمه من ضواحى القاهره. فى الاصل اتعرفت بأسامى شبرا الشهيد و شبرا البلد و كمان اتعرفت بإسم شبرا دمنهور نسبه لمدينه جنبها كان اسمها دمنهور. من العصر الايوبى بقى اسمها شبرا الخيمه .[1]
فى العصور الوسطى كان بيتعمل على شط نيلها يوم 8 بشنس احتفال اسمه " عيد الشهيد ". سبب المهرجان ده إن المسيحيين المصريين كانو بيقولوا إن ماية النيل مش ممكن تزيد من غير ما يجيبوا صباع واحد قديس شهيد كان محطوط فى علبه فى كنيسه فى شبرا دى و يغسلوه فى النيل. العيد ده كان بيتعمل على شط النيل فى شبرا الخيمه و كانو المسيحيين بيروحوا على هناك من كل نواحى مصر و يخرج معاهم سكان القاهره مسيحيين و مسلمين ويتجمعوا و يحطوا خيام على شط النيل فى شبرا دى و يعملو احتفالات ، و بسبب الخيام اللى كانت بتتحط هناك اتسمت شبرا الخيام و بقت شبرا الخيمه .[2]
