كان ساكن فى مساكن الزلزال الشعبيه فى حى المقطم بالقاهره و سبب شهره نجم هوه شعره الجرىء اللى بينتقد فيه الحكام و بينحاز للشعب المصرى و خصوصا الغلابه منهم و طبعا خفه دمه سبب اساسى لانتشار شعره البسيط و العميق فى نفس الوقت. بس جرءته دى كان تمنها غالى 18 سنه فى السجون و المعتقلات. نجم انتقد سياسات رؤساء مصر التلاته عبد الناصر و السادات و مبارك لكن السادات كان ليه نصيب الأسد من اشعار نجم السخنه لدرجه ان الرئيس السادات كان بيسميه الشاعر البذئ. نجم سمى جمال عبد الناصر "عبد الجبار" . ارتبط اسم احمد فؤاد نجم بالشيخ إمام اللى كان بيغنيله اشعاره لكن اختلفو مع بعض لأسباب ماليه و انفصلو بعد ما عاشو فى فرنسا وعملو حفلات كان أغلب روادها العرب. انضم لحزب الوفد الجديد و بعدين استقال منه فى يوم 10 اكتوبر2010 و اعلن انه محتج على قرار السيد البدوى رئيس الحزب انه شال ابراهيم عيسى من رئاسه تحرير جرنال الدستور. بعد ثورة 25 يناير انضم لحزب المصريين الأحرار
اول حياته
احمد فؤاد نجم من مواليد الشرقيه سنه 1929 و هوه من عيله مصريه بسيطه فى الريف المصرى والدته ربه بيت كان اسمها هانم مرسى نجم ووالده محمد عزت نجم كان بيشتغل فى البوليس.
نجم من عيله كبيره العدد و كان ليه 17 اخ و اخت و زى العاده اول تعليم اتلقاه كان فى الكتاب و بعد موت ابوه نقل عشان يعيش مع خاله فى الزقازيق و دارت بيه الحياه بين ملجا الايتام اللى قابل فيه عبد الحليم حافظ ولما كمل 17 سنه ساب الملجأ و رجع بلده و بعدين راح القاهره عند اخوه اللى طرده من البيت. اول ديوان شعر نشره كان بعنوان صور من الحياه و السجن
شعره السياسى
احمد فؤاد نجم كتب اشعار كتيره فى العشق (زى "انا اتوب عن حبك انا" و "اهيم شوقا" و "عشق الصبايا") و فى الوطنيه وحب مصر (زى "بهيه" و "بحبك" و "صباح الخير" و "كلمتين يا مصر"), و اتعَرَف بإيمانه بالعداله الاجتماعيه و كتب قصايد كتيره بتعتبر عن افكاره دى زى
