لوكاندة مينا هاوس Mena House Hotel
اوتيل فخم 5 نجوم اتبنى القصر سنة 1869 فى شارع الاهرام فى الجيزة فى ضل اهرامات الجيزه وتحيط به حدايق حوالى اربعين فدان من الياسمين المعطر,وفيه ملعب للجولف من 18 حفرة، وملعب تنس ، وملعب للجرى ومركز للياقة البدنية.
واوتيل مينا هاوس أوبروى فيه 523 اوضه و 7اجنحة صغيره و 4اجنحة رئيسية وفى كل واحده منها بلكونه خاصة تشوف الاهرامات.
كان اوتيل مينا هاوس قصر اتبنى اصلا أستراحة لرحلات صيد الخديوى اسماعيل. وبعدها وسع الخديوى البنا وحولة لقصر للضيوف فى سنة 1869 لانه كان بيحضير لمهرجانات افتتاح قناة السويس . اتباع القصر فى سنة 1883 لواحد غنى انجليزى اسمه السير فريدريك هيد اللى اداه اسم "مينا"نسبة للملك مينا اللى وحد القطرين وللاستفادة من وجود الاهرامات الفرعونية كخلفية له ,وفى سنة 1885 اتباع القصر لعيلة بريطانية كانت تشتهر بعشقها للآثار المصرية القديمة هيا عيلة «لوكيه كينغ»، اللى قررت تحويل القصر لاوتيل , وفى سنة 1971 اشترى الاوتيل راى بهادور موهان سينغ اوبروى وشركته هم الملاك الحاليين للمينا هاوس.
فى سنة 1972 تولت شركة فنادق أوبروى العالمية الهندية ادارة الاوتيل ، وقامت بتجديده اكثر من مرة.
مباحثات السلام اللى كانت بين السادات و جيمى كارتر و بيجين اللى اتعرفت بأسم "مؤتمر مينا هاوس"،
اتصور فيه افلام ومن اشهرها الفيلم العالمى المعروف"valley of the king” بخلاف مئات الاعمال العربية زى فيلم "حكاية حب" لعبد الحليم حافظ وفيلم "صاحب الجلالة"اللى تم تصوير معظمه بالاوتيل
