كمال حسين (1927 - 1993) Kamal Hussain ممثل مصري، اتولد فى سنة 1927، ودرس فى المعهد العالى للفنون المسرحية وتخرج منه فى سنة 1947 فى دفعة المعهد الأولى، قدم شوية أدوار ثانوية بالمسرح لحد كانت أول مشاركة له فى السينما بفيلم (زهرة) بطولة (علويه جميل) و(صلاح منصور). بعدها بعام شارك فى فيلم (بلبل أفندى) من بطولة(صباح) و(فريد الأطرش). شارك بدور اكبرفى (أيام وليالى) سنة 1955 بدور ذو طابع شرير فى فيلم من بطولة (عبد الحليم حافظ)، بعدين مع (فريد شوقى) و(هدى سلطان) فى (بورسعيد) فى 1957. ومن بعدها شارك فى أعمال كثيرة منها (ارحم حبى)، (إحنا التلامذة)، (حماتى ملاك) بدور طريف، وفى فيلم (بداية ونهاية) عن قصة الكاتب الكبير (نجيب محفوظ).
كمان اشتغل فى الخمسينات فى الاذاعة بشكل مكثف. واستمر فى تقديم عدد كبير من الأدوار المساعدة من نص فتره الأربعينات وحتى أوائل التسعينيات فى السينما، كذلك شارك فى مسلسلات (سنبل بعد المليون، رحلة السيد ابو العلا البشري، ليلة القبض على فاطمة، عيلة الدوغرى ، لا إله إلا الله) و غيرها ،قام بالدوبلاج لشخصية ديوديتشى فى الفيلم الشهير (عمر المختار)..
قام كمان بإخراج بعض المسرحيات ومنها : (سكة السلامة) و(بداية ونهاية) و مسك منصب مدير المسرح القومى لفترة. توفى فى سنة 1993 عن 66 سنه.
