داشيا (رومانى: Dacia, نطق: [ˈdat͡ʃi.a]\داتشيا\) هيا شركه رومانيه بتعمل عربيات و اتاسست سنة 1967. الشركه اتسمت على اسم الاسم القديم ل رومانيا داتشيا. شركة داشيا دلوقتى بقت جزء من الشركه الفرنساويه رينو بعد ما اشترتها سنة 1999.
الموديلات القديمه كانت بتعمل مشاكل كتير و بتعطل خصوصا فى ايام الصيف لانها متصممه عشان تشتغل فى برد رومانيا. فى سنة 2004 نزلت شركة داشيا عربيه شكلها جديد اسمها داشيا لوجان و اللى حاول فيها يتفادو المشاكل بتاعة الموديلات القديمه.
داشيا لوجان
التصدير
رغم ان الهدف الرئيسى لشركة داشيا هوه السوق الرومانى و زى ما شعارهم ما بيقول (عربيه عالميه بتكاليف رومانيه)، بس داشيا من زمان وهى بتحاول توسع اسواقها جوه اوروبا و براها.
فرنسا هى اكبر سوق بيستقبل عربيات داشيا و بعديها المانيا و بعد كدا اوكرانيا و الجزاير و توركيا و ايطاليا و المغرب
الازمه الاقتصاديه العالميه
فى 12 يناير 2009 اعلنت شركة داشيا انها ح تضطر تقفل المصنع الرئيسي بتاعها لمدة اسبوعين عشان المخازن بتاعتها اتملت عربيات و ماحدش عايز يشتريها بسبب الازمه الاقتصاديه العالميه.
.jpg)
.svg){kind=small}
