اوزبيكيستان كلمة مكونة من مقطعين، الاول أوزبيك، و هيا كلمة بالتركي، معناها "سيد نفسه"، و هيا فى نفس الوقت اسم الشعب اللى ساكن المنطقة دي، و الكلمة التانية و هيا "ستان" و هيا كلمة فارسية معناها ارض، فيبقى معنى الكلمتين ارض الأوزبيك.أوزبيكستان تاريخها طويل، كانت دايم جزء هام فى طريق الحرير التجاري، و سكنتها القوميتين التركية و الفارسية، قبل الاسلام كانت تبع دولة الجوك ترك. و بعد دخول الاسلام فى القرن التامن الميلادى سارت حته من الامبراطوريه الفارسيه السامانيه و بعدين فى وقت الامير تيمور لنك سارت مركز الامبراطوريه التركية التيموريه، و اللى عاصمتها سمرقند و فى اوائل القرن الستاشر غزوها الاوزبيك (قوميه عرقيه تبع قوميات الترك). فى القرن التسعتاشر ضموها الروس لامبراطوريتهم القيصريه و ورثها الاتحاد السوفييتى فى 1924 و بقا اسمها الجمهوريه الاوزبكيه الاشتراكيه السوفييتيه و اخيرا استقلت يوم 31 اغسطس 1991.
الاقتصاد
الاقتصاد الاوزبيكيستانى بيعتمد بشكل اساسى على انتاج المواد الاوليه زى القطن و الدهب و اليورانيوم و الغاز الطبيعى.
المشاكل
حقوق الانسان فى اوزبيكيستان بتنتقدها المنظمات الدوليه و 45% من عدد السكان بيعيشو على اقل من 1.25 دولار فى اليوم.
التقسيم الادارى
اوزبيكيستان متقسمه لاتناشر مقاطعه ( فيلويات :viloyat) و من المدن الرئيسيه:
طشقند (Toshkent): العاصمه و اكبر مدينه (عدد سكانها حوالى 3 مليون واحد) و معنى اسنها الحرفى هو (مدينة الحجر) ببالاشاره للبوابات التاريخيه الضخمه اللى اتدمرت كلها فى الوقت الحاضر.
بوخارا (Buxoro) : خامس اكبر مدينه و مشهوره بوقوعها على طريق الحرير و بتاريخها القديم و اهميتها الثقافيه و التجاريه و الدينيه فى منطقة وسط اسيا.
سمرقند (Samarqand): تانى اكبر مدينه فى اوزبيكيستان و كمان موقعها اللى فن نص طريق الحرير اداها اهميه تاريخيه كبيره. فى سنة 2001 ضمتها اليونيسكو لليستة التراث العالمى و وصفتها بـ سمرقند ، ملتقى الحضارات.
نامانجان (Namangan): تالت اكبر مدينه و مشهوره بصناعة الاكل المعلب و زراعة القطن.نامانجان مركز مهم للصحوه الاسلاميه فى البلد و فيها لوحدها 600 جامع و 20 مدرسه دينيه.
