اذيربايچان ليها لغه خاصه بيها و هى الاذيرى، وهى ممكن من الدول القليله الى يكون فيها المسلمين الشيعه الاكتريه من السكان.[4]
واذيربايجان من الدول الاسلاميه القليله الى بتحكم بنظام علمانىديموقراطى بعد تركيا ودول قليله تانيه.[5]
جغرافيا
الجبال فى اذیربايجان
اذيربايجان بتاخد مساحه كبيره من اليابسه مساحتها 86.6 الف كيلومتر2، هيا موجوده فى الجزء الشرقى للمنطقة اللى ورا جبال القوقاز. اذيربيجان لازقه من الشمال بـ روسيا، ومن الشمال الغربى بجورجيا، ومن الجنوب الغربى بـ ارمينيا، ومن الجنوب بـ ايران، وحدودها معاها 611 كيلو متر، وكمان مع تركيا بحدود 11 كيلو متر. ليها فى الشرق ساحل على بحر قزوين طوله 825 كم تقريبا.
كمان تبع يها اقليم نَخجَوان اللى هو منفصل جغرافيا عن باقى اذيربيجان. واقليم نَخجَوان ليه حدود مع تركيا بطول 11 كيلومت بس. ومن اشهر الناس اللى من الاقليم حيدر علييڤ اول رئيس لاذربيجان وابنه الهام علييڤ الرئيس الحالى .
تاريخ
الفتره الاسلاميه
لما المسلمين فتحو بلاد فارس فتحوا معاها اذيربايجان، و كان ده فى القرن الاول الهجرى، ودخل الاذربيجانيين فى الاسلام، وانتشار الاسلام فى منطقة اذربيجان عمل تقويه للعلاقات الاقتصاديه والاجتماعيه والثقافيه بين الشعب الاذربيجاني.
وفى فترة الدولة العباسية حصلت بشوية ثورات فى المنطقه، زى حركة الخوارج اللى خلص عليها المستعصم بالله سنة 223 هـ/ 838م، ولما ضعفت الدولة العباسية حصلت دعوات انفصال بتنتشر فى البلاد التابعه ليها، بعدين استغل الاقطاعيين الاوضاع دى فى اذيربيجان عشان يسيطروا على البلد.
السكان
عدد سكان اذيربايجان فى ابريل 2006 8 ملايين ساكن، 4،360،000 (51%) ساكنين فى المدن، و 4،060،000 (49%) ساكنين فى الارياف.
.svg){kind=small}
.svg){kind=small}
