حسام الدين لاجين
معلومات شخصيه
الوفاة	16 يناير 1299   القاهره
مواطنه	مصر الدوله المملوكيه
عيله	المماليك البحريه
معلومات تانيه
المهنه	سياسى
اللغه الام	اللغه المصريه الحديثه
تعديل مصدري - تعديل

الملك المنصور حسام الدين لاچين بن عبد الله المنصورى .^[1] ( اتوفى فى القاهرة فى 16 يناير 1299 ). سلطان الدوله المملوكيه الحداشر ^[2][3] إتلقب بـلاچين الصغير و ابو الفتوح . إتنصب سلطان على مصر فى نوفمبر سنة 1296 و فضل على العرش لغاية يناير سنة 1299.

حسام الدين لاچين كان مملوك من مماليك السلطان نور الدين على بن أيبك و كان معروف بإسم " شقير ". بعد ما نفى السلطان بيبرس البندقدارى نور الدين على اعلى امبراطورية نيقيا البيزنطيه .^[4][5] إشتراه قلاوون الآلفى ^[6] و لقبه بلقب " لاچين الصغير " كتمييز ليه عن مماليك اتنيين كان ليهم نفس الاسم ( شوف تحت : أسامى متشابهه ) ، و بعدين عتقه و رقاه و رفع درجته فلم اتسلطن عينه نايب على دمشق و جوزه بنت من بناته ^[7] ولما اتمرد الامير سيف الدين سنقر الأشقر على السلطان قلاوون ونصب نفسه سلطان فى دمشق قبض قلاوون على لاجين و حبسه لمده وبعدين عفا عنه بعد ما انهزم سنقر الأشقر . أياميها كان لاچين غاوى قعدات انس و افرفشه و شريب خمور <الشيال، 2/179"/> فعنفه قلاوون و قاله يبطل الكلام ده ^[8]

لاچين قعد حداشر سنه نايب للسلطنه المصريه على دمشق لغاية ما مسك السلطان الأشرف خليل الحكم و عزله و قبض عليه مع جماعة من الامرا ، كان من بينهم سنقر الأشقر ، و اتحكم عليه بالاعدام لكن الأشرف عفا عنه بشفاعة الامير بدر الدين بيدرا المنصورى ، و عينه سلاح دار كما زى ما كان قبل ما يتعين نايب على دمشق .^[9] فى سنة 1293 لاجين كان من ضمن الأمراء اللى اتآمروا مع الامير بيدرا نايب السلطنه على إغتيال السلطان الأشرف ، و بع ما اغتيل الاشرف هرب هو و الامير قرا سنقر و واختفوا ، وبعدين ظهر فجاءه فى القاهره بعد تنصيب الناصر محمد سلطان على مصر بدل اخوه الاشرف اللى اتقتل ، الامير زين الدين كتبغا نائب السلطنه و مدبر الدوله ، شفع للاچين عند السلطان الناصر اللى كان لسه عنده حوالى تسع سنين فغضب مماليك الأشرف خليل ( المماليك الأشرفية خليل ) و اتمردوا ، فراح لاچين ناصح كتبغا بعزل السلطان الناصر محمد و تنصيب نفسه قبل ما ينتقم منهم مماليك الأشرف او السلطان الناصر نفسه لما يكبر. فى سنة 1295 بعد ما كتبغا أخد بنصيحة لاچين وعزل السلطان الناصر و نصب نفسه سلطان على مصر عين لاجين نايب للسلطنه.

فى عصر الدوله المملوكيه كان فيه امرا و مماليك كتار اسمهم حسام الدين لاچين زى:

• حسام الدين لاچين الأستادار و هو حسام الدين لاچين الرومى و اتلقب بـ الحسام لاچين أستادار - اتقتل فى معركة شقحب سنة 1303).
• حسام الدين لاچين الأيدمرى، و كان معروف بلقب " الدرفيل ". كان دوادار السلطان الظاهر بيبرس.
• حسام الدين لاچين العزيزى الج و كندا ر.
• حسام الدين لاچين العمرى و هو حسام الدين لاچين زيرباج الچاشنكير و اتلقب بـ زيرباج الچاشنكي.
• حسام الدين لاچين العنتابى.

• سلاطين مصر فى الدوله المملوكيه

• ابن إياس: بدائع الزهور فى وقائع الدهور, مدحت الجيار (دكتور), الهيئة المصرية العامة للكتاب, القاهرة 2007.
• ابن تغرى: النجوم الزاهرة فى ملوك مصر و القاهرة، دار الكتب و الوثائق القومية، مركز تحقيق التراث، القاهرة 2005
• جمال الدين الشيال (استاذ التاريخ الاسلامى) : تاريخ مصر الاسلامية, دار المعارف ، القاهرة 1966.
• المقريزى: السلوك لمعرفة دول الملوك, دار الكتب, القاهرة 1996.
• المقريزي: المواعظ و الاعتبار بذكر الخطط و الاثار, مطبعة الادب, القاهرة 1968.
• قاسم عبده قاسم (دكتور): عصر سلاطين المماليك - التاريخ السياسى و الاجتماعى, عين للدراسات الانسانية و الاجتماعية, القاهرة 2007.
• شفيق مهدى ( دكتور): مماليك مصر و الشام, الدار العربية للموسوعات, بيروت 2008.